‘బిగ్ బాస్ 13’తో వెలుగులోకి వచ్చిన హిమాన్షీ ఖురానా, ఆసిమ్ రియాజ్ జంట ఉదంతం.. వినోద రంగంలో ‘లౌకిక ప్రేమ’ ముసుగులో దాగిన చేదు నిజాన్ని మరోసారి బట్టబయలు చేసింది. దాదాపు నాలుగేళ్ల పాటు ప్రేమ పేరుతో సాగిన వీరి బంధం, 2023 డిసెంబర్లో ముక్కలైంది. ఈ బ్రేకప్కు కారణం కేవలం మనస్పర్థలు కాదు.. ఒక పథకం ప్రకారం జరిగిన మతమార్పిడి ఒత్తిడే అని స్వయంగా హిమాన్షీ వెల్లడించడం సంచలనంగా మారింది. పంజాబీ సిక్కు కుటుంబానికి చెందిన హిమాన్షీని, తన ఇస్లాం మతంలోకి మార్చేందుకు ఆసిమ్ చేసిన ప్రయత్నాలే ఈ బంధం విచ్ఛిన్నానికి అసలు కారణం.
ఇటీవల పరాస్ ఛబ్రా పాడ్కాస్ట్లో హిమాన్షీ చేసిన వ్యాఖ్యలు, ఇలాంటి సంబంధాల్లో జరిగే మానసిక దాడిని స్పష్టంగా వివరిస్తున్నాయి. ఆసిమ్ తరచుగా తన మతంలోని అంశాలను గొప్పగా చెబుతూ, మెల్లగా ఆమెను ఇస్లాం స్వీకరించేలా బ్రెయిన్ వాష్ చేసే ప్రయత్నం చేశాడని పరోక్షంగా బయటపడింది. ప్రేమ పేరుతో దగ్గరై, ఆ తర్వాత నెమ్మదిగా తమ మతంలోకి లాక్కునే కుట్రలకు ఇది అద్దం పడుతోంది. అయితే, తన విశ్వాసాలను వదులుకుని, పరాయి మతాన్ని స్వీకరించే ఆధిపత్య ధోరణికి హిమాన్షీ అంగీకరించకపోవడం ఆమె దృఢమైన వ్యక్తిత్వానికి నిదర్శనం.
తన ధర్మం పట్ల, దైవం పట్ల హిమాన్షీ కనబరిచిన నిబద్ధత ప్రతి ఒక్కరికీ ఆదర్శనీయం. వేరే మతాన్ని స్వీకరించి ఆ దేవుడి ముందు తలవంచినా, తన మనసు, గొంతు పలికేది ‘వాహేగురు‘ (Waheguru) నామమే అని ఆమె చెప్పిన మాటలు తన సంస్కృతిపై ఉన్న అచంచలమైన భక్తిని చూపుతున్నాయి. అంతకంటే ముఖ్యంగా, భవిష్యత్తులో చనిపోతే తనను హిందూ/సిక్కు సంప్రదాయాల ప్రకారం దహనం చేస్తారా లేక ఇస్లాం పద్ధతిలో ఖననం చేస్తారా అనే భయం ఆమెను వెంటాడటం.. ఇటువంటి సంబంధాల్లో మహిళలు ఎదుర్కొనే అస్తిత్వ ప్రమాదానికి సజీవ సాక్ష్యం.
ఈ సంఘటన కేవలం ఇద్దరు వ్యక్తుల వ్యక్తిగత సమస్య కాదు. దేశవ్యాప్తంగా లౌకికవాదం పేరుతో హిందూ, సిక్కు యువతులను ఎలా లక్ష్యంగా చేసుకుంటున్నారో చెప్పేందుకు ఇదొక స్పష్టమైన ఉదాహరణ. ప్రేమలో ఉన్నప్పుడు ఏ మతమైనా ఒకటే అని నమ్మించే ప్రయత్నం చేస్తారు, కానీ తీరా వివాహం లేదా బంధం బలపడ్డాక కేవలం ఒక వర్గమే తమ మతాన్ని వదులుకోవాలనే ఒత్తిడి తేవడం పచ్చి నిజం. తన మూలాలను మర్చిపోయి మతం మారాల్సిన అవసరం లేదని, ఆ బంధాన్ని తెంచుకోవడమే సరైన మార్గమని హిమాన్షీ తీసుకున్న నిర్ణయం ఎంతో సాహసోపేతమైనది.
అయితే, తన ధర్మాన్ని తాను ఎంచుకున్నందుకు హిమాన్షీ మూల్యం చెల్లించుకోవాల్సి రావడం అత్యంత ఆందోళనకరం. బ్రేకప్ తర్వాత సోషల్ మీడియాలో ఒక వర్గం నుండి ఆమె తీవ్రమైన విద్వేషాన్ని, కక్షపూరిత ట్రోలింగ్ను ఎదుర్కొంది. తాను లౌకికవాదినని, ఏ మతాన్ని కించపరచలేదని మొరపెట్టుకున్నా ఆ మూక దాడులు ఆగలేదు. చివరికి మానసిక ప్రశాంతత కోసం ఆమె సోషల్ మీడియా ఖాతాను డిలీట్ చేయాల్సి రావడం సిగ్గుచేటు. ఆసిమ్ రియాజ్ దీన్ని పరస్పర అంగీకారంతో తీసుకున్న నిర్ణయంగా కప్పిపుచ్చే ప్రయత్నం చేసినా, అసలు గుట్టు ఆధిపత్య మతమార్పిడి ఒత్తిడే అని దేశానికి అర్థమైంది.
మొత్తం మీద హిమాన్షీ ఖురానా ఉదంతం.. “ప్రేమ గుడ్డిది” అని నమ్మి ఇతరుల వలలో పడే యువతులకు ఒక కనువిప్పు. ఒక బంధం కోసం తన అస్తిత్వాన్ని, చిన్ననాటి నుండి రక్తంలో ఇమిడిపోయిన సంస్కృతిని, స్వధర్మాన్ని వదులుకోవాల్సిన అవసరం లేదని ఆమె తన చేతలతో నిరూపించింది. ఎన్ని మానసిక ఒత్తిళ్లు ఎదురైనా తన సిక్కు/సనాతన ధర్మ మూలాలను కాపాడుకునేందుకు నాలుగేళ్ల బంధాన్ని సైతం తృణప్రాయంగా వదులుకున్న హిమాన్షీ నిర్ణయం ప్రతి ఒక్కరూ గర్వించదగ్గది.
