భారత ప్రధాని నరేంద్ర మోదీని కలవడం ఏ నాయకుడికైనా అదనపు బలాన్నిస్తుంది. కానీ, ఎన్నికల వ్యూహాలకు పదును పెడుతున్న సమయంలో ఆ కలయిక రాష్ట్ర రాజకీయాల్లో సరికొత్త ప్రకంపనలు సృష్టిస్తుంది. తాజాగా తెలంగాణ బీజేపీ కీలక నేత బండి సంజయ్ ప్రధాని మోదీని కలిసిన అనంతరం చేసిన వ్యాఖ్యలు కేవలం ఉద్వేగభరితమైనవి మాత్రమే కాదు.. తెలంగాణలో కమలం వికసించేలా చేయడానికి వేసిన పక్కా పొలిటికల్ స్కెచ్ అని రాజకీయ విశ్లేషకులు భావిస్తున్నారు.
“కరీంనగర్ మున్సిపల్ కార్పొరేషన్ ఎన్నికల్లో బీజేపీ విజయం పట్ల ప్రధాని హర్షం వ్యక్తం చేశారు” అని బండి సంజయ్ చెప్పడం వెనుక ఒక బలమైన వ్యూహం దాగి ఉంది. కరీంనగర్ అనేది తెలంగాణలో బీజేపీకి ఒక బలమైన కోట. అక్కడ సాధించిన గెలుపును స్వయంగా ప్రధాని ప్రస్తావించారని చెప్పడం ద్వారా.. కిందిస్థాయి కార్యకర్తలు పడే కష్టాన్ని ఢిల్లీ పెద్దలు నిశితంగా గమనిస్తున్నారని క్యాడర్కు ఆయన ఒక స్పష్టమైన సందేశం పంపారు. ఇది పార్టీ శ్రేణుల్లో రెట్టింపు ఉత్సాహాన్ని నింపుతుంది.
ఈ భేటీ ద్వారా తెలంగాణపై బీజేపీ అటెన్షన్ పెంచేలా బండి సంజయ్ వ్యూహాత్మకంగా అడుగులు వేస్తున్నారు. “మోదీని కలిసిన ప్రతిసారీ కొత్త శక్తి, బాధ్యత పెరుగుతుంది” అన్న ఆయన మాటలు పార్టీ కోసం పనిచేసే ప్రతి కార్యకర్తకూ ఒక ఇన్స్పిరేషన్. నాయకుడు యాక్టివ్గా ఉంటే క్యాడర్ ఆటోమేటిక్గా అగ్రెసివ్ మోడ్లోకి వెళ్తుందన్నది సుస్పష్టం. అలాగే, రాష్ట్రంలో ప్రాంతీయ పార్టీల ఆధిపత్యాన్ని ఎదుర్కోవడానికి బీజేపీకి ఉన్న అతిపెద్ద బ్రహ్మాస్త్రం ‘నరేంద్ర మోదీ’. “ప్రతి ఇంటికీ బీజేపీ మిషన్ను తీసుకెళ్లాలని మోదీ స్ఫూర్తినిచ్చారు” అని చెప్పడం ద్వారా, మోదీ బ్రాండ్ను నేరుగా గల్లీ స్థాయికి, సామాన్యుడి గడప తొక్కించే ప్రయత్నానికి ఆయన శ్రీకారం చుట్టారు. అదే సమయంలో రాష్ట్రంలో బీజేపీ మరింత బలపడుతోందని, కేంద్ర నాయకత్వం తెలంగాణపై ప్రత్యేక దృష్టి పెట్టిందని ప్రత్యర్థి పార్టీలకు మైండ్ గేమ్ ద్వారా పరోక్షంగా ఒక బలమైన సంకేతం పంపారు.
రాజకీయాల్లో ఏ మాటా యాదృచ్ఛికంగా రాదు. బండి సంజయ్ ప్రధానిని కలవడం, ఆ వెంటనే భావోద్వేగంతో పాటు బాధ్యతను గుర్తుచేస్తూ ప్రకటన చేయడం.. ఇదంతా తెలంగాణలో బీజేపీ పట్ల ప్రజల్లో ఆసక్తిని అమాంతం పెంచే ఎత్తుగడే. మోదీ ఇచ్చిన ఉత్సాహంతో, “ప్రతి గడపకూ బీజేపీ” అనే నినాదాన్ని బండి సంజయ్ ఎంత బలంగా ప్రజల్లోకి తీసుకువెళ్తారో, అది తెలంగాణ రాజకీయ ముఖచిత్రాన్ని ఎలా మారుస్తుందో
టార్గెట్ తెలంగాణ: మోదీ ఇచ్చిన జోష్… బండి సంజయ్ అసలు వ్యూహం ఇదే!
