Telugu politics Archives - Journalist Sirisha

విదేశాలకు పారిపోయిన నేరస్థులపై కేంద్రం ఉక్కుపాదం: 36 దేశాల నుంచి 274 మంది భారత్‌కు రాక

Journalist Sirisha — Tue, 04 Aug 2026 16:55:43 +0000

విదేశాలకు పారిపోయి తలదాచుకుంటున్న నేరస్థుల భరతం పట్టేందుకు భారత ప్రభుత్వం ఉక్కుపాదం మోపుతోంది. కేంద్ర హోం మంత్రిత్వ శాఖ (MHA) తాజాగా వెల్లడించిన గణాంకాల ప్రకారం.. 2019 నుంచి 2026 మధ్య కాలంలో 36 దేశాల నుంచి మొత్తం 274 మంది పరారీలో ఉన్న నేరస్థులను కేంద్రం విజయవంతంగా స్వదేశానికి రప్పించింది. ఇలా భారత్‌కు తీసుకొచ్చిన వారిలో ఉగ్రవాదులు, గ్యాంగ్‌స్టర్లు, మత్తుపదార్థాల (నార్కోటిక్స్) స్మగ్లర్లతో పాటు హత్య, అత్యాచారం, పోక్సో (POCSO) చట్టం కింద కేసులు నమోదైన కరుడుగట్టిన నిందితులు ఉన్నారు. ప్రధానమంత్రి నరేంద్ర మోదీ, హోంమంత్రి అమిత్ షా ల పటిష్టమైన వ్యూహం, సాంకేతికతతో కూడిన నిఘా వ్యవస్థ వల్లే ఈ భారీ విజయం సాధ్యమైందని హోం శాఖ స్పష్టం చేసింది.

నేరస్థులను రప్పించడంతో పాటు వారి ఆర్థిక మూలాలపై కూడా కేంద్రం తీవ్ర స్థాయిలో దెబ్బకొడుతోంది. 2019-2026 మధ్యకాలంలో పారిపోయిన నేరస్థులకు చెందిన రూ. 17,874 కోట్ల ఆస్తులను జప్తు చేయడంతో పాటు, రూ.18,762 కోట్లను తిరిగి రాబట్టింది. ముఖ్యంగా, ప్రభుత్వ రంగ బ్యాంకుల్లో వేల కోట్లు అప్పులు చేసి, ఆ నిధులను ఎగవేసి విదేశాలకు ఉడాయించిన కింగ్‌ఫిషర్ అధినేత విజయ్ మాల్యా, నీరవ్ మోదీ లాంటి బడా ఆర్థిక నేరస్థులను ఏమాత్రం వదిలిపెట్టే ప్రసక్తే లేదని ఈ చర్యల ద్వారా ప్రభుత్వం కుండబద్దలు కొట్టింది. ప్రజా ధనాన్ని లూటీ చేసిన ఎంతటి పెద్దవాళ్లైనా సరే చట్టం చేతుల నుంచి తప్పించుకోలేరని, వారిని కూడా త్వరలోనే దేశానికి రప్పించి తీరుతామని కేంద్రం స్పష్టమైన హెచ్చరికలు పంపింది.

విదేశాల్లో ఎక్కడ దాక్కున్నా వారిని వెతికి పట్టుకునేందుకు ఇంటర్‌పోల్ సహకారాన్ని భారత్ అత్యంత సమర్థవంతంగా వాడుకుంటోంది. విదేశాల్లో తలదాచుకున్న నేరస్తుల కోసం గడిచిన మూడేళ్లలోనే భారత్ ఏకంగా 501 రెడ్ కార్నర్ నోటీసులను జారీ చేసింది. దేశ ప్రజల సొమ్మును దోచుకుని విదేశాల్లో విలాసవంతమైన జీవితం గడుపుతామంటే ఇక కుదరదని, ఏ దేశంలో ఉన్నా సరే వారిని పట్టుకొచ్చి భారతీయ న్యాయస్థానాల ముందు నిలబెట్టి శిక్ష పడేలా చేయడం ఖాయమని ప్రభుత్వ తాజా గణాంకాలు స్పష్టం చేస్తున్నాయి.

The post విదేశాలకు పారిపోయిన నేరస్థులపై కేంద్రం ఉక్కుపాదం: 36 దేశాల నుంచి 274 మంది భారత్‌కు రాక appeared first on Journalist Sirisha.

మోదీపై భౌతిక దాడికి ప్లాన్? రంగంలోకి సీఐఏ.. టార్గెట్ 37 గుట్టురట్టు!

Journalist Sirisha — Wed, 29 Jul 2026 02:35:46 +0000

ప్రధాని నరేంద్ర మోదీని గద్దె దించడమే లక్ష్యంగా ఇంటెలిజెన్స్ వర్గాల్లో కలకలం రేపుతున్న ఒక భారీ అంతర్జాతీయ కుట్ర పేరే ‘ఆపరేషన్ 37’. రాబోయే 12 నెలల్లో మోదీ ప్రభుత్వాన్ని కూలదోయడానికి అమెరికా, సీఐఏ (CIA) మరియు డీప్ స్టేట్ శక్తులు ఏకమై ఒక పకడ్బందీ వ్యూహాన్ని అమలు చేస్తున్నాయన్న వార్తలు ఇప్పుడు దేశవ్యాప్తంగా తీవ్ర సంచలనం సృష్టిస్తున్నాయి. కేవలం 37 మంది బీజేపీ ఎంపీలను ప్రలోభపెట్టి తమవైపు తిప్పుకోవడం ద్వారా అధికార పార్టీని నిలువునా చీల్చి, కేంద్రంలో ఊహించని రాజకీయ సంక్షోభాన్ని సృష్టించడమే ఈ ఆపరేషన్ ముఖ్య ఉద్దేశం.

ఈ కుట్రలో భాగంగా దేశంలో అంతర్గతంగా పెద్ద ఎత్తున అల్లకల్లోలం సృష్టించేందుకు దేశవిద్రోహ శక్తులు వ్యూహాత్మకంగా పావులు కదుపుతున్నాయి. బంగ్లాదేశ్ తరహాలో అరాచక పరిస్థితులను ఇక్కడ కూడా తీసుకురావడానికి మత, ప్రాంతీయ, లింగ వివక్షల పేరుతో ఎక్కడికక్కడ చిచ్చుపెడుతున్నారు. దక్షిణాది రాష్ట్రాలు మరియు మహారాష్ట్రలో జరుగుతున్న నిరసనలు, శ్రీకృష్ణ జన్మాష్టమి నాడు బీఫ్ తింటామంటూ కొందరు నేతలు చేసిన రెచ్చగొట్టే వ్యాఖ్యలు బీజేపీ కోర్ ఓటర్లను లక్ష్యంగా చేసుకుని అల్లిన ఈ భారీ వ్యూహంలో భాగమేనని తెలుస్తోంది.

వీటన్నింటికీ మించి, భారతదేశ ఆర్థిక వ్యవస్థను కోలుకోలేని విధంగా దెబ్బతీయడానికి దేశాన్ని ఒక సుదీర్ఘమైన యుద్ధంలోకి నెట్టే భయంకరమైన స్కెచ్ కూడా సిద్ధమైంది. పాకిస్తాన్‌ను రెచ్చగొట్టి ఉక్రైన్-రష్యా తరహాలో యుద్ధ వాతావరణాన్ని సృష్టించడం ద్వారా దేశాన్ని ఛిన్నాభిన్నం చేయాలని చూస్తున్నారు. ఒకవేళ ఇన్ని కుట్రలు పన్నినా రాజకీయంగా మోదీని గద్దె దించడంలో ఈ శక్తులు విఫలమైతే.. చివరి అస్త్రంగా ఆయనపై ప్రత్యక్షంగా భౌతిక దాడికి సైతం ఏమాత్రం వెనుకాడరనే హెచ్చరికలు ఇప్పుడు మరింత ఆందోళన రేకెత్తిస్తున్నాయి.

The post మోదీపై భౌతిక దాడికి ప్లాన్? రంగంలోకి సీఐఏ.. టార్గెట్ 37 గుట్టురట్టు! appeared first on Journalist Sirisha.

మోదీకి రైతులు, యువత దూరం అయ్యారా? అసలు వాస్తవం ఏంటి?

Journalist Sirisha — Thu, 23 Jul 2026 16:28:48 +0000

నరేంద్ర మోదీ గారి పదేళ్ల పాలన కేవలం భావోద్వేగాల మీద, జాతీయవాదం మీద మాత్రమే ఆధారపడి లేదు. క్షేత్ర స్థాయిలో సామాన్యుడి జీవన ప్రమాణాల్లో వచ్చిన మార్పులే ఆయనకు చారిత్రాత్మక హ్యాట్రిక్ విజయాన్ని అందించాయి. ప్రతి ఇంటికి మరుగుదొడ్డి, ఉచిత గ్యాస్ కనెక్షన్, జన్ ధన్ ఖాతాల ద్వారా మధ్యవర్తుల ప్రమేయం లేని సంక్షేమం, కోట్లాది మందికి ఉచిత వైద్యం అందించే ‘ఆయుష్మాన్ భారత్’ వంటి పథకాలు పేదల జీవితాల్లో స్పష్టమైన మార్పును తెచ్చాయి. డిజిటల్ ఇండియా (UPI విప్లవం), మేక్ ఇన్ ఇండియా, మునుపెన్నడూ లేని స్థాయిలో జాతీయ రహదారులు, వందే భారత్ రైళ్లు వంటి మౌలిక సదుపాయాల అభివృద్ధి దేశ ముఖచిత్రాన్ని మార్చేశాయి. ప్రపంచం ఆర్థిక మాంద్యంతో, కోవిడ్ అనంతర సంక్షోభాలతో కొట్టుమిట్టాడుతున్నా, భారత ఆర్థిక వ్యవస్థను ప్రపంచంలో 5వ స్థానానికి చేర్చి స్థిరంగా ఉంచిన ఘనత మోదీ ప్రభుత్వానిదే.

రైతుల ఉద్యమం లేదా ఇటీవల జరిగిన ఎన్నికల ఫలితాలను మోదీ గారి వైఫల్యంగా చూడటం సరికాదు. వ్యవసాయ రంగంలో దళారీ వ్యవస్థను రూపుమాపి, సంస్కరణలు తీసుకువచ్చి రైతుల ఆదాయం పెంచాలనే సదుద్దేశంతోనే ఆనాడు వ్యవసాయ చట్టాలు తెచ్చారు. కానీ, కొన్ని వర్గాల అభ్యంతరాలను, ప్రజాస్వామ్య విలువలను గౌరవించి వాటిని స్వయంగా ఆయనే వెనక్కి తీసుకున్నారు. ఇక 2024 ఎన్నికల్లో బీజేపీకి సొంతంగా కొన్ని సీట్లు తగ్గినా, వరుసగా మూడోసారి ఎన్డీఏ ప్రభుత్వానికి ప్రజలు స్పష్టమైన తీర్పు ఇవ్వడం ఆయన నాయకత్వంపై ఉన్న అచంచల విశ్వాసానికి నిదర్శనం. ప్రతిపక్షాలు సరైన ప్రత్యామ్నాయ అభివృద్ధి ఎజెండాను చూపించలేక, కేవలం రిజర్వేషన్లు తీసేస్తారనే తప్పుడు ప్రచారాలు, కులాల వారీగా విభజన రేఖలు గీసి రాజకీయ లబ్ధి పొందాలని చూశాయన్నది కాదనలేని వాస్తవం.

యువత మరియు నిరుద్యోగం పట్ల ప్రభుత్వం నిర్లక్ష్యంగా ఉందనడం వాస్తవ దూరం. ముద్రా యోజన, స్టార్టప్ ఇండియా, మరియు పీఎల్ఐ (PLI) స్కీముల ద్వారా దేశంలో తయారీ రంగాన్ని ప్రోత్సహిస్తూ లక్షలాది ఉపాధి అవకాశాలను ప్రభుత్వం సృష్టిస్తోంది. అయితే, దేశం వేగంగా అభివృద్ధి చెందుతున్నప్పుడు అంతర్జాతీయంగా కొన్ని అదృశ్య శక్తులు (డీప్ స్టేట్) అస్థిరత సృష్టించడానికి ప్రయత్నించడం భ్రమ కాదు, వాస్తవం. యువత సమస్యలను పరిష్కరించడానికి ప్రభుత్వం ఎప్పుడూ సిద్ధంగానే ఉంటుంది, కానీ ఆందోళనల ముసుగులో హింసకు పాల్పడటం, దేశ రాజధానిలో శాంతిభద్రతలకు విఘాతం కలిగించడం, పోలీసులపై దాడులకు దిగడాన్ని ఏ ప్రభుత్వమూ ఉపేక్షించదు. దేశ భద్రత, స్థిరత్వం విషయంలో మోదీ ప్రభుత్వం ఎప్పుడూ రాజీ పడదు, అప్పటికప్పుడు అది కఠినంగా అనిపించినా దీర్ఘకాలంలో అది జాతి ప్రయోజనాల కోసమేనని అర్థం చేసుకోవాలి.

The post మోదీకి రైతులు, యువత దూరం అయ్యారా? అసలు వాస్తవం ఏంటి? appeared first on Journalist Sirisha.

మతతత్వ పార్టీ ఏది? కాంగ్రెస్ చరిత్ర.. బీజేపీ సబ్ కా వికాస్!మరి CJP?

Journalist Sirisha — Fri, 17 Jul 2026 03:09:30 +0000

భారతీయ జనతా పార్టీని మతతత్వ పార్టీగా ముద్రవేసే ప్రయత్నం జరుగుతున్న ఈ రోజుల్లో, అసలు మతతత్వ పార్టీ ఏది అన్నది చరిత్ర పుటలు తిరగేస్తే స్పష్టంగా అర్థమవుతుంది. బీజేపీ ఆవిర్భావానికి ముందే మతాల ఆధారంగా ఈ దేశాన్ని రెండు ముక్కలుగా విభజించిన ఘనత కాంగ్రెస్ పార్టీది కాదా? కాశ్మీర్ లోయలో హిందువుల అణచివేత, వారిపై జరిగిన దారుణ మారణకాండను కళ్లులేని కబోదిలా చూసిన చరిత్ర ఆ పార్టీకి ఉందన్నది కాదనలేని సత్యం. కేవలం మైనారిటీ ఓట్ల బుజ్జగింపుల కోసం హిందువుల మనోభావాలను, వారి దేవీ దేవతలను ఎలా అవమానించారో ప్రత్యేకంగా చెప్పాల్సిన పనిలేదు. అయోధ్యలో శ్రీ రామచంద్రుడి జన్మభూమిలో ఆలయాన్ని నిర్మించుకోవడానికి మన హిందువులకు వంద సంవత్సరాల పైనే సమయం ఎందుకు పట్టింది? ఆనాడు రాముడి అస్తిత్వాన్ని ప్రశ్నిస్తూ, రామ మందిర నిర్మాణానికి వ్యతిరేకంగా ఏకంగా 15 మంది లాయర్లను మోహరించింది కాంగ్రెస్ కాదా అన్నది ప్రతి ఒక్కరూ వేసుకోవాల్సిన ప్రశ్న.

మరోవైపు బీజేపీ వచ్చిన తర్వాత ఆయా రాష్ట్రాల్లో శాంతిభద్రతలు ఎలా ఉన్నాయో, మతకల్లోలాలు ఎక్కడైనా జరుగుతున్నాయా అన్నది బేరీజు వేసుకోవాలి. కానీ ఇతర ప్రాంతాల్లో పరిస్థితులు ఎంత దారుణంగా ఉన్నాయో ఇటీవలి ఘటనలే సాక్ష్యం. కర్ణాటకలో ఓ వ్యాపారి తన దుకాణంలో హనుమాన్ చాలీసా పెట్టుకుంటే, ముస్లిం మూకలు వచ్చి దాడి చేసే దుస్థితి. ఇక తెలంగాణలో, ఏకంగా హైదరాబాదు నడిబొడ్డున ఉన్న హిందూ దేవాలయాలపై దాడులు జరుగుతుంటే రాష్ట్రంలోని కాంగ్రెస్ ప్రభుత్వం చోద్యం చూస్తోంది. సమాజాన్ని ఎంత ప్రమాదకరంగా మారుస్తున్నారంటే, పసిపిల్లల మెదళ్లలో కూడా మతవిద్వేషాల విషాన్ని నూరిపోస్తూ బ్రెయిన్ వాష్ చేస్తున్నారు. తెలంగాణ విద్యాశాఖ మంత్రిగా ఉన్న ముఖ్యమంత్రి రేవంత్ రెడ్డి కనీస నైతిక బాధ్యత వహించకపోవడం వారి చేతగానితనానికి నిదర్శనంగా మారింది. నిజామాబాద్ జిల్లా ఆర్మూర్ లో ఉర్దూ, అరబిక్ భాషలను ఓ ముస్లిం ఉపాధ్యాయుడు విద్యార్థులకు బలవంతంగా బోధిస్తుంటే, దానిని ప్రశ్నించిన బీజేపీ నాయకుడిని అరెస్ట్ చేశారు తప్ప, ఆ స్కూల్ యాజమాన్యంపై రేవంత్ సర్కార్ ఎలాంటి చర్యా తీసుకోలేదు.

ప్రభుత్వం ఏమీ చేయలేదన్న ధీమాతోనే, నిన్న సైదాబాద్‌లోని సక్సెస్ స్కూల్‌లో విద్యార్థులను ‘కల్మా’ చదువుకుని రమ్మని ఏకంగా డైరీలో హోంవర్క్ రాసిచ్చే స్థాయికి బరితెగించారు. సెల్ఫ్ డిఫెన్స్ నేర్పించాల్సిన స్కూళ్లలో టెర్రరిస్టుల నుంచి తప్పించుకోవడానికి ఈ కల్మా చదువుకోమని చెబుతున్నారా? లేక ఇది కేవలం మైనారిటీ బుజ్జగింపు రాజకీయాలు చేసే కాంగ్రెస్ పార్టీ చేతగానితనమా? ఒక పక్క సబ్ కా సాథ్, సబ్ కా వికాస్, సబ్ కా ప్రయాస్ నినాదంతో బీజేపీ ప్రతి అర్హుడికీ సంక్షేమ ఫలాలు అందేలా ప్రణాళికలు రచిస్తుంటే, దేశ జీడీపీ ఏ రకంగా పరుగులు పెడుతుందో మనం కళ్లారా చూస్తున్నాం. కానీ కాంగ్రెస్ చేస్తున్న ఈ మైనారిటీ బుజ్జగింపు రాజకీయాలకు లేటెస్ట్ వెర్షన్‌గా ఇప్పుడు ‘కాక్రోచ్ జనతా పార్టీ’ అంటూ కొత్త డ్రామాలకు తెరలేపారు.

విద్యార్థుల హక్కుల కోసమని, నీట్ పేపర్ లీకేజీలపై పోరాటం, ఉపాధి అవకాశాల కోసమని పుట్టుకొచ్చిన వీరు… జంతర్ మంతర్ వేదికగా చేస్తున్న నిరసనలు చూస్తుంటే అసహ్యం వేస్తోంది. శూర్పణఖ లాంటి అరుంధతీ రాయ్‌ని పిలిచి ప్రోపగాండా చేయించడం, ప్రకాష్ రాజ్ లాంటి హిందూ ద్వేషులను వేదికపైకి ఎక్కించి ‘జై శ్రీరామ్ అనను.. జై సంవిధాన్ అంటాను’ అంటూ కుహనా లౌకికవాదం మాట్లాడించడం వెనుక ఉన్న కుట్ర ఏంటి? అసలు విద్యార్థుల సమస్యల కోసం పెట్టిన ధర్నాలో రాముడి ప్రస్తావన ఎందుకు వచ్చింది? ఇంకొకడు వచ్చి ఏకంగా సీతమ్మ వారిని అవమానించేలా మాట్లాడటం వీళ్ళ బహు వీర్య పుత్ర లక్షణాలకు నిదర్శనం. నిజంగా విద్యార్థులకు మేలు చేయాలనుకుంటే ఈ వేషాలన్నీ ఎందుకు?

మనం 2026లో ఉన్నాం. టెక్నాలజీ ఎంతో ముందుకెళ్లి జెన్-జి (Gen Z) దాటి ఆల్ఫా (Alpha) జనరేషన్ కూడా వచ్చేసింది. ఇంకా కులాల మధ్య, ప్రాంతాల మధ్య, మతాల మధ్య విద్వేషాలు రేపే ఈ ‘తుక్డే’ గ్యాంగ్‌కి మద్దతు ఇస్తారా? లేక దేశాన్ని అభివృద్ధి పథంలో నడిపిస్తున్న వారికి అండగా ఉంటారా? అన్నది నేటి యువత ఆలోచించాలి. దేశ భవిష్యత్తును నాశనం చేస్తున్న ఈ విభజన రాజకీయాలపై యూత్ అలర్ట్ గా ఉండాల్సిన సమయం ఆసన్నమైంది. యూత్ బీ అలర్ట్!

The post మతతత్వ పార్టీ ఏది? కాంగ్రెస్ చరిత్ర.. బీజేపీ సబ్ కా వికాస్!మరి CJP? appeared first on Journalist Sirisha.

అది జర్నలిజమా..? బ్రోకరిజమా..? ఒవైసీ మీద మీద ఇష్టం ఎందుకు పవన్ మీద ద్వేషం ఎందుకు

Journalist Sirisha — Tue, 14 Jul 2026 13:58:42 +0000

ఆంధ్రప్రదేశ్ ఉప ముఖ్యమంత్రి పవన్ కళ్యాణ్‌ను లక్ష్యంగా చేసుకుని తెలంగాణకు చెందిన కొంతమంది సోషల్ మీడియా ఇన్‌ఫ్లుయెన్సర్లు చేస్తున్న విమర్శలపై తీవ్ర అభ్యంతరాలు వ్యక్తమవుతున్నాయి. పవన్ కళ్యాణ్‌కు చెందిన ‘కోడి చెరువు’ సమీపంలోని ఫార్మ్‌హౌస్ పూర్తిగా రిజిస్టర్డ్ పట్టా భూమి అని, ఎలాంటి ఆక్రమణలు జరగలేదని స్పష్టమవుతోంది. అక్కడ పెద్ద పెద్ద భవనాలు కాకుండా కేవలం పశువుల పెంపకం, సాధారణ వ్యవసాయం మాత్రమే జరుగుతున్నాయని, రక్షణ కోసం కంచె వేసుకోవడం చట్టబద్ధమేనని మద్దతుదారులు వాదిస్తున్నారు. వాస్తవాలు ఇలా ఉంటే, రాజకీయ లబ్ధి కోసమే సదరు ఇన్‌ఫ్లుయెన్సర్లు అక్కడకు వెళ్లి లైవ్ వీడియోలు, సోషల్ మీడియా పోస్టులతో తప్పుడు ప్రచారం చేస్తూ పవన్ కళ్యాణ్‌ను దొంగగా చిత్రీకరించే డ్రామాలకు తెరలేపారని విమర్శకులు మండిపడుతున్నారు.

ఇదే సమయంలో, సదరు ఇన్‌ఫ్లుయెన్సర్ల ద్వంద్వ విధానాలపై తీవ్ర ప్రశ్నలు వ్యక్తమవుతున్నాయి. చెరువు పక్కన చట్టబద్ధంగా భూమి కొనుక్కుని వ్యవసాయం చేసుకుంటున్న పవన్ కళ్యాణ్‌పై ఆరోపణలు చేసే వీరు, శాటిలైట్ చిత్రాల సాక్ష్యాలతో సహా స్పష్టంగా చెరువు లోపలికే కట్టడాలు వెలిసిన ‘సలకం చెరువు’ (ఓవైసీకి సంబంధించిన ఆరోపణలు) వైపు ఎందుకు వెళ్లడం లేదని విశ్లేషకులు ప్రశ్నిస్తున్నారు. ప్రభుత్వం ఇచ్చిన నివేదికలను, స్పష్టమైన ఆక్రమణలను విస్మరిస్తూ కేవలం ఒక వర్గాన్ని లేదా మతాన్ని చూసి భయపడుతున్నారా అని నిలదీస్తున్నారు. నిజమైన జర్నలిజం విలువలను పక్కనబెట్టి, ఇలా ఏకపక్షంగా వ్యవహరిస్తున్న వారి తీరును ‘బ్రోకరిజం’గా అభివర్ణిస్తూ, వారి నైతిక హక్కును ప్రజలు సోషల్ మీడియా వేదికగా ప్రశ్నిస్తున్నారు.

The post అది జర్నలిజమా..? బ్రోకరిజమా..? ఒవైసీ మీద మీద ఇష్టం ఎందుకు పవన్ మీద ద్వేషం ఎందుకు appeared first on Journalist Sirisha.

మేడ్చల్‌లో సంచలనం.. మల్లారెడ్డిని వెనక్కి నెట్టి దూసుకుపోతున్న ఈనుగు సుదర్శన్ రెడ్డి!

Journalist Sirisha — Tue, 14 Jul 2026 03:33:49 +0000

మేడ్చల్:
మేడ్చల్ నియోజకవర్గంలో రగులుతున్న ‘కమలం’ కాక ఇప్పట్లో చల్లారేలా లేదు. బెంగాల్ తరహాలో ఊహించని రేంజ్‌లో దూసుకొస్తున్న బీజేపీ “విన్నింగ్ వేవ్” క్షేత్రస్థాయిలో ప్రకంపనలు సృష్టిస్తోంది. ఇదే వేవ్ గనుక మున్ముందు ఇలాగే కంటిన్యూ అయితే, 2028 అసెంబ్లీ ఎన్నికల్లో భారతీయ జనతా పార్టీ అభ్యర్థి ఈనుగు సుదర్శన్ రెడ్డి బంపర్ మెజారిటీతో ఘనవిజయం సాధించడం ఖాయంగా కనిపిస్తోంది.

సునామీలా మారనున్న 2028 ఎన్నికలు!
ప్రస్తుతం నియోజకవర్గంలో నడుస్తున్న రాజకీయ పరిణామాలను గమనిస్తే.. సుదర్శన్ రెడ్డి గ్రాఫ్ రాకెట్ వేగంతో దూసుకుపోతోంది. కాంగ్రెస్ ప్రభుత్వ వైఫల్యాలు, బీఆర్ఎస్ పట్ల ప్రజల్లో గూడుకట్టుకున్న తీవ్ర అసంతృప్తి.. ఈ రెండూ బీజేపీకి అతిపెద్ద వరంగా మారాయి. నాయకుడిపై నమ్మకం, స్వచ్ఛమైన రాజకీయాలు చేసే వ్యక్తిగా సుదర్శన్ రెడ్డికి ఉన్న క్లీన్ ఇమేజ్ రాబోయే ఎన్నికల నాటికి ఒక భారీ రాజకీయ సునామీని సృష్టించే అవకాశాలు స్పష్టంగా కనిపిస్తున్నాయి.

మల్లారెడ్డికి చెక్.. కాంగ్రెస్‌కు ప్యాకప్!
డబ్బు రాజకీయాలతో, హంగామాతో ఇన్నాళ్లు నెట్టుకొచ్చిన మాజీ మంత్రి మల్లారెడ్డికి 2028 ఎన్నికలు ఒక పీడకలగా మారనున్నాయని విశ్లేషకులు భావిస్తున్నారు. ఇప్పుడున్న వేవ్ దృష్ట్యా, మల్లారెడ్డి ఎంత ప్రయత్నించినా బీజేపీ దూకుడును అడ్డుకోవడం అసాధ్యమనే వాదన బలంగా వినిపిస్తోంది. ఇక అధికారంలో ఉన్న కాంగ్రెస్ అభ్యర్థి వజ్రేష్ యాదవ్ పరిస్థితి మరింత దిగజారిపోయి, ఆ పార్టీ ఉనికికే ప్రమాదం ఏర్పడే పరిస్థితి రాబోతోంది. కాంగ్రెస్ ఓటు బ్యాంకు క్రమంగా కాషాయం వైపు మళ్లుతోంది.
ఇదే ఊపు, ఇదే ప్రజాదరణ 2028 ఎన్నికల నాటికి మరింత ఉధృతంగా మారడం ఖాయం. గ్రామాలు, కాలనీలు అన్న తేడా లేకుండా ప్రతి చోటా సుదర్శన్ రెడ్డికి బ్రహ్మరథం పడుతున్నారు. మేడ్చల్ ఓటర్లు మార్పు కోరుకుంటున్నారు.. ఆ మార్పు సుదర్శన్ రెడ్డి రూపంలో వారికి స్పష్టంగా కనిపిస్తోంది.

ఈ విజయావకాశాలను సుస్థిరం చేసుకోవడంలో ఏనుగు సుదర్శన్ రెడ్డి మరికొన్ని కీలక వ్యూహాలు అమలు చేయాల్సిన అవసరం ఉంది. నియోజకవర్గంలో బీజేపీకి పెరుగుతున్న ఆదరణ వెనుక క్షేత్రస్థాయిలో అహర్నిశలు శ్రమిస్తున్న కార్యకర్తల కష్టం ఎంతో ఉంది. ఈ కార్యకర్తలే పార్టీకి అసలైన వెన్నెముక, కాబట్టి వారిని కంటికి రెప్పలా కాపాడుకోవడం సుదర్శన్ రెడ్డికి అత్యంత ప్రధానం. ప్రతి మండల, బూత్ స్థాయి కార్యకర్తను పేరుపేరునా పలకరిస్తూ, వారి వ్యక్తిగత కష్టసుఖాల్లోనూ తోడుగా నిలవడం ద్వారా ఆయన నాయకత్వానికి మరింత విశ్వసనీయత పెరుగుతుంది. అంతేకాకుండా, పార్టీలోకి కొత్తగా వస్తున్న యువతను, ఇతర పార్టీల నుంచి చేరుతున్న శ్రేణులను పాత కార్యకర్తలతో సమన్వయం చేసుకుంటూ, అందరికీ తగిన గుర్తింపు, గౌరవం కల్పించేలా ఒక పటిష్టమైన కార్యాచరణను రూపొందించుకోవాలి. కార్యకర్తలకు ఎప్పుడు ఏ కష్టం వచ్చినా అండగా ఉంటాననే భరోసా కల్పిస్తూ, వారిని ఎన్నికల సమరయోధులుగా నిలబెట్టినప్పుడే 2028లో మేడ్చల్ పీఠంపై కాషాయ జెండాను తిరుగులేని మెజారిటీతో ఎగురవేయడం సాధ్యమవుతుంది.

మొత్తానికి పశ్చిమ బెంగాల్ తరహాలో.. ప్రత్యర్థులకు ఏమాత్రం కోలుకునే అవకాశం ఇవ్వకుండా, 2028లో ఈనుగు సుదర్శన్ రెడ్డి మేడ్చల్ ఎమ్మెల్యేగా అసెంబ్లీలో అడుగుపెట్టడం, మేడ్చల్ గడ్డపై కమల వికాసం జరగడం ఒక చారిత్రక అవసరంగా మారిందని రాజకీయ వర్గాలు బల్లగుద్ది మరీ చెబుతున్నాయి!

The post మేడ్చల్‌లో సంచలనం.. మల్లారెడ్డిని వెనక్కి నెట్టి దూసుకుపోతున్న ఈనుగు సుదర్శన్ రెడ్డి! appeared first on Journalist Sirisha.

ఇండిపెండెంట్ జర్నలిస్టులు, యూట్యూబర్ల వెనుక విదేశీ నిధుల నెట్‌వర్క్ ఉందా?

Journalist Sirisha — Mon, 13 Jul 2026 13:11:30 +0000

భారతదేశంపై గ్లోబల్ కుట్ర: యూట్యూబర్లు, ఎన్జీవోల ముసుగులో విదేశీ ఫండింగ్ మాఫియా!

ఇటీవల కాలంలో సోషల్ మీడియాలో పుట్టగొడుగుల్లా పుట్టుకొస్తున్న కొందరు “స్వతంత్ర జర్నలిస్టులు”, “సోషల్ యాక్టివిస్టుల” ముసుగు వెనుక ఉన్న అసలు రంగు నెమ్మదిగా బయటపడుతోంది. వీరంతా ఒక భారీ అంతర్జాతీయ నెట్‌వర్క్ చేతిలో కీలుబొమ్మలు అన్నది ఎలాంటి అతిశయోక్తి లేని అక్షర సత్యం. సనాతన ధర్మాన్ని కించపరచడం, మతమార్పిడులను ప్రోత్సహించడం, జాతీయవాదానికి వ్యతిరేకంగా ఫేక్ నెరేటివ్‌లను (Fake Narratives) సృష్టించడమే లక్ష్యంగా పాశ్చాత్య దేశాల నుంచి కోట్లాది రూపాయలు మన దేశంలోకి పంప్ చేయబడుతున్నాయి. ఇదంతా ఏదో ఊహాజనిత కుట్ర కాదు, మన కళ్లెదుట నడుస్తున్న పచ్చి నిజం.

డిజిటల్ వేదికలపై జాతీయవాద గొంతుకగా నిలబడే వారికి, నిశితమైన వార్తా విశ్లేషణలు చేసే వారికి ఈ ఎకోసిస్టమ్ అసలు స్వరూపం స్పష్టంగా కనిపిస్తుంది. ఈ దేశవిచ్ఛిన్నకర శక్తుల నెట్‌వర్క్ ఎలా పనిచేస్తుందో అధికారిక ఇంటెలిజెన్స్ నివేదికలు పదే పదే హెచ్చరిస్తూనే ఉన్నాయి.

విదేశీ నిధుల ప్రవాహం సాగే అసలు మార్గం ఇదే:

సూత్రధారులు: జార్జ్ సోరోస్, ఫోర్డ్ ఫౌండేషన్, రాక్‌ఫెల్లర్, మరియు మెలిండా గేట్స్ ఫౌండేషన్ల వంటి గ్లోబల్ ఎలైట్ సంస్థలు. భారతదేశ సార్వభౌమాధికారాన్ని దెబ్బతీయడమే వీరి ప్రథమ లక్ష్యం.
అంతర్జాతీయ దళారులు: పాశ్చాత్య దేశాల్లోని వరల్డ్ కౌన్సిల్ ఆఫ్ చర్చెస్ (World Council of Churches) వంటి క్రిస్టియన్ మిషనరీ మాఫియా.
దేశంలోకి ఎంట్రీ: ఆల్ ఇండియా క్రిస్టియన్ కౌన్సిల్ (AICC) సహా ఇతర ఎన్జీవో (NGO) ముసుగులో ఉన్న సంస్థల ద్వారా అక్రమ నిధుల రాక.
స్థానిక పంపిణీదారులు: ఇక్కడి నుండి లెఫ్టిస్ట్ (వామపక్ష) ఎకోసిస్టమ్, అర్బన్ నక్సల్స్, ఫెమినిస్ట్ గ్రూపులు, బూటకపు మానవ హక్కుల సంఘాలకు ఈ నిధులు మళ్లుతాయి.
లబ్ధిదారులు (Foot Soldiers): చిట్టచివరకు ఈ నిధులు విద్యాసంస్థల్లో కూర్చున్న వామపక్ష ప్రొఫెసర్లు, మేధావుల ముసుగులో ఉన్న విశ్లేషకులు, యూట్యూబ్‌లో అబద్ధాలు ప్రచారం చేసే ఆధునిక “స్వతంత్ర జర్నలిస్టుల” జేబుల్లోకి చేరుతున్నాయి.

ఈ దేశద్రోహ శక్తుల ఆటకట్టించడానికి కేంద్ర ప్రభుత్వం FCRA (Foreign Contribution Regulation Act) నిబంధనలను కఠినతరం చేసి ఉక్కుపాదం మోపింది. విదేశీ నిధులను సేవా కార్యక్రమాల పేరుతో తీసుకొచ్చి మతమార్పిడులకు, దేశ వ్యతిరేక కార్యకలాపాలకు వాడుతున్న దాదాపు 20,000 కు పైగా ఎన్జీవోల లైసెన్సులను నిర్దాక్షిణ్యంగా రద్దు చేసింది. ఇది చూసి భరించలేకనే, గ్లోబల్ టూల్‌కిట్ (Global Toolkit) గ్యాంగ్ గగ్గోలు పెడుతోంది.

ప్రజాస్వామ్యబద్ధంగా ఎన్నుకోబడిన జాతీయవాద ప్రభుత్వాన్ని అస్థిరపరచడానికి జార్జ్ సోరోస్ లాంటి వాళ్ళు బాహాటంగానే కుట్రలు చేస్తున్నారు. అప్పట్లో తీస్తా సెతల్వాద్ లాంటి వాళ్లకు నిధులు ఇచ్చిన వ్యవహారంలో ఫోర్డ్ ఫౌండేషన్‌ బాగోతం బట్టబయలైంది. FCRA ఆంక్షల వల్ల దళితులు, పేదల అభివృద్ధి ఆగిపోయిందని AICC లాంటి సంస్థలు మొసలి కన్నీరు కారుస్తున్నాయి. కానీ వారి అసలు బాధల్లా అక్రమ మతమార్పిడులకు, చర్చిల విస్తరణకు, హిందూ వ్యతిరేక ప్రచారాలకు వచ్చే విదేశీ నిధులు ఆగిపోయాయనే!

కొంతమంది వామపక్ష మేధావులు.. ఈ యూట్యూబర్లకు కేవలం యాడ్ సెన్స్ (AdSense), సూపర్ చాట్స్, స్పాన్సర్‌షిప్‌ల ద్వారానే డబ్బులొస్తున్నాయని ప్రజలను తప్పుదోవ పట్టించే ప్రయత్నం చేస్తున్నారు. కానీ ఇదంతా ఒక పెద్ద ఐవాష్ (Eyewash). పర్యావరణ పరిరక్షణ, మానవ హక్కుల ముసుగులో స్థానిక అభివృద్ధి ప్రాజెక్టులను అడ్డుకుంటున్నది వీళ్లే అని ఇంటెలిజెన్స్ బ్యూరో (IB) ఎప్పుడో స్పష్టం చేసింది. ఈ లెఫ్ట్-లిబరల్ యూట్యూబర్లు నేరుగా సోరోస్ నుండి చెక్కులు తీసుకోకపోవచ్చు, కానీ ఈ ఎన్జీవోలు, లోకల్ హ్యాండ్లర్స్ ద్వారా హవాలా రూపంలోనో, ఫేక్ పీఆర్ (PR) ఏజెన్సీల ముసుగులోనో వీరికి భారీగా ముడుపులు అందుతున్నాయి.

స్వతంత్ర జర్నలిజం ముసుగులో డిజిటల్ మీడియాకు విదేశీ నిధులు ఎలా వస్తున్నాయో నిరూపించిన అతిపెద్ద కేసు ఇది.

ఈ “ఎకోసిస్టమ్” ఎలా పనిచేస్తుందో నిరూపించే కొన్ని సంచలనాత్మక అధికారిక కేసులు ఇక్కడ ఉన్నాయి:

1. న్యూస్‌క్లిక్ (NewsClick) ఫండింగ్ కేసు – డిజిటల్ మీడియా కుట్ర బట్టబయలు

కేసు వివరాలు: ‘న్యూస్‌క్లిక్’ అనే డిజిటల్ న్యూస్ పోర్టల్‌కు అమెరికాకు చెందిన నెవిల్లే రాయ్ సింఘమ్ (చైనా కమ్యూనిస్ట్ పార్టీతో సంబంధాలు ఉన్న వ్యక్తి) ద్వారా సుమారు ₹38 కోట్లు అక్రమంగా ఫండింగ్ వచ్చినట్లు ఈడీ మరియు ఢిల్లీ పోలీస్ స్పెషల్ సెల్ గుర్తించాయి.
కుట్ర: ఈ నిధులను ఉపయోగించి భారతదేశానికి వ్యతిరేకంగా, ప్రభుత్వాన్ని అస్థిరపరిచేలా ఫేక్ నరేటివ్‌లను, కథనాలను వ్యాప్తి చేశారని దర్యాప్తులో తేలింది. ఈ కేసులో ఆ సంస్థ వ్యవస్థాపకులను అక్రమ కార్యకలాపాల నిరోధక చట్టం (UAPA) కింద అరెస్టు చేశారు.

2. ఆమ్నెస్టీ ఇంటర్నేషనల్ (Amnesty International India) బాగోతం

మానవ హక్కుల ముసుగులో భారతదేశ అంతర్గత వ్యవహారాల్లో జోక్యం చేసుకున్న అతిపెద్ద గ్లోబల్ ఎన్జీవో.

కేసు వివరాలు: FCRA (విదేశీ విరాళాల నియంత్రణ చట్టం) నిబంధనలను ఉల్లంఘించి, విదేశీ నిధులను ‘కమర్షియల్ మార్గాల’ (FDI) ద్వారా అక్రమంగా దేశంలోకి తరలించినట్లు ఈడీ గుర్తించింది.
చర్యలు: మనీ లాండరింగ్ ఆరోపణల కింద ఈడీ వీరి బ్యాంకు ఖాతాలను స్తంభింపజేయడంతో, ఆమ్నెస్టీ సంస్థ భారతదేశంలో తన కార్యకలాపాలను పూర్తిగా నిలిపివేసుకోవాల్సి వచ్చింది.

3. సెంటర్ ఫర్ పాలసీ రీసెర్చ్ (CPR) మరియు ఆక్స్‌ఫామ్ (Oxfam India)

మేధావులు, పాలసీ విశ్లేషకుల పేరుతో దేశంలో చెలామణి అవుతున్న ఈ సంస్థలపై కేంద్రం ఉక్కుపాదం మోపింది.

ఆక్స్‌ఫామ్ ఇండియా: విదేశీ నిధులను ఉపయోగించి ప్రభుత్వానికి వ్యతిరేకంగా స్థానికంగా నిరసనలు, ఆందోళనలను (ప్రధానంగా కొన్ని ప్రాజెక్టులకు వ్యతిరేకంగా) ప్రేరేపించారనే ఆరోపణలతో MHA వీరి FCRA లైసెన్స్‌ను రద్దు చేసింది.
CPR (సెంటర్ ఫర్ పాలసీ రీసెర్చ్): పర్యావరణ పరిరక్షణ పేరుతో విదేశాల నుంచి ఫండింగ్ తెచ్చుకుని, ఆ నిధులను అభివృద్ధి ప్రాజెక్టులను అడ్డుకునే ఇతర ఎన్జీవోలకు దారి మళ్లించారనే పక్కా ఆధారాలతో వీరి FCRA లైసెన్స్‌ను కూడా ప్రభుత్వం రద్దు చేసింది.

4. కంపాషన్ ఇంటర్నేషనల్ (Compassion International) – మతమార్పిడులకు ఫండింగ్

క్రైస్తవ మిషనరీలు సేవా కార్యక్రమాల పేరుతో మతమార్పిడులకు విదేశీ నిధులను ఎలా వాడుతున్నాయో ఈ కేసు స్పష్టం చేసింది.

కేసు వివరాలు: అమెరికాకు చెందిన ఈ క్రైస్తవ దాతృత్వ సంస్థ, భారతదేశంలోని స్థానిక ఎన్జీవోలకు చట్టవిరుద్ధంగా నిధులు పంపి, ఆ నిధులను బాలల సంక్షేమం పేరుతో మతమార్పిడుల కోసం ఉపయోగిస్తున్నట్లు ఇంటెలిజెన్స్ నివేదికలు స్పష్టం చేశాయి.
చర్యలు: 2017లో భారత ప్రభుత్వం ఈ సంస్థను ‘Prior Reference Category’ (ప్రభుత్వ అనుమతి లేకుండా ఒక్క రూపాయి కూడా దేశంలోకి పంపకూడదు) లో పెట్టింది. దీంతో ఈ సంస్థ భారతదేశంలో తన కార్యకలాపాలను మూసేసుకుంది.

5. తీస్తా సెతల్వాద్ – సబ్‌రంగ్ ట్రస్ట్ (Sabrang Trust) & ఫోర్డ్ ఫౌండేషన్

కేసు వివరాలు: సోదాలు మరియు దర్యాప్తులో తీస్తా సెతల్వాద్ కు చెందిన సబ్‌రంగ్ ట్రస్ట్‌కు ఫోర్డ్ ఫౌండేషన్ (Ford Foundation) నుండి భారీగా నిధులు అందినట్లు తేలింది. ఈ నిధులను మత విద్వేషాలు రెచ్చగొట్టేలా ప్రచురణలు చేయడానికి, రాజకీయ ప్రయోజనాల కోసం వ్యక్తిగత ఖర్చులకు వాడుకున్నారని CBI కేసు నమోదు చేసింది.
చర్యలు: వీరి FCRA లైసెన్స్ రద్దు చేయబడింది. ఫోర్డ్ ఫౌండేషన్ కార్యకలాపాలపై కేంద్రం కఠిన ఆంక్షలు విధించింది.

జాతీయవాద గొంతులను అణచివేస్తూ, దేశాన్ని సాంస్కృతికంగా ముక్కలు చేయాలనే ఉద్దేశ్యంతో పనిచేస్తున్న ఈ అర్బన్ నక్సల్స్, వామపక్ష-మిషనరీ ఇకోసిస్టమ్‌ను “విదేశీ ఏజెంట్లు” అనక ఇంకేమనాలి? ఇది కేవలం రాజకీయ నరేటివ్ కాదు… సనాతన ధర్మం మీద, భారతదేశ అస్తిత్వం మీద నిస్సిగ్గుగా జరుగుతున్న డిజిటల్ యుద్ధం!

The post ఇండిపెండెంట్ జర్నలిస్టులు, యూట్యూబర్ల వెనుక విదేశీ నిధుల నెట్‌వర్క్ ఉందా? appeared first on Journalist Sirisha.