Independence Day 2026 Archives - Journalist Sirisha https://kadpathr.in/tag/independence-day-2026/ Sun, 16 Aug 2026 12:03:55 +0000 en-US hourly 1 https://wordpress.org/?v=7.1.3 https://kadpathr.in/wp-content/uploads/cropped-WhatsApp-Image-2026-10-08-at-22.04.59-32x32.jpeg Independence Day 2026 Archives - Journalist Sirisha https://kadpathr.in/tag/independence-day-2026/ 32 32 వందేమాతరం ఎవరి జాగీరూ కాదు.. అమరవీరుల త్యాగఫలం: సోనియా గాంధీకి బంకించంద్ర వారసుడి స్ట్రాంగ్ కౌంటర్! https://kadpathr.in/national-news/vande-mataram-controversy-bankim-chandra-descendant-slams-sonia-gandhi/ https://kadpathr.in/national-news/vande-mataram-controversy-bankim-chandra-descendant-slams-sonia-gandhi/#respond Sun, 16 Aug 2026 12:03:53 +0000 https://kadpathr.in/?p=2537 జాతీయ గీతం ‘వందేమాతరం’ రచయిత బంకించంద్ర చటోపాధ్యాయ ప్రత్యక్ష వారసుడు, పశ్చిమ బెంగాల్‌లోని నైహతి నియోజకవర్గ బీజేపీ ఎమ్మెల్యే సుమిత్రో ఛటర్జీ కాంగ్రెస్ పార్లమెంటరీ పార్టీ చైర్‌పర్సన్ సోనియా గాంధీకి ఒక ఘాటైన లేఖ రాశారు. స్వాతంత్ర్య దినోత్సవం సందర్భంగా ఢిల్లీలోని ఏఐసీసీ (AICC) ప్రధాన కార్యాలయంలో జరిగిన ఉత్సవాల్లో వందేమాతరం పూర్తి వెర్షన్ ఆలపిస్తున్న సమయంలో సోనియా గాంధీ అసహనం వ్యక్తం చేశారని, దానిని మధ్యలోనే నిలిపివేయడానికి ప్రయత్నించారని ఆయన ఆరోపించారు. ఈ చర్య కేవలం […]

The post వందేమాతరం ఎవరి జాగీరూ కాదు.. అమరవీరుల త్యాగఫలం: సోనియా గాంధీకి బంకించంద్ర వారసుడి స్ట్రాంగ్ కౌంటర్! appeared first on Journalist Sirisha.

]]> జాతీయ గీతం ‘వందేమాతరం’ రచయిత బంకించంద్ర చటోపాధ్యాయ ప్రత్యక్ష వారసుడు, పశ్చిమ బెంగాల్‌లోని నైహతి నియోజకవర్గ బీజేపీ ఎమ్మెల్యే సుమిత్రో ఛటర్జీ కాంగ్రెస్ పార్లమెంటరీ పార్టీ చైర్‌పర్సన్ సోనియా గాంధీకి ఒక ఘాటైన లేఖ రాశారు. స్వాతంత్ర్య దినోత్సవం సందర్భంగా ఢిల్లీలోని ఏఐసీసీ (AICC) ప్రధాన కార్యాలయంలో జరిగిన ఉత్సవాల్లో వందేమాతరం పూర్తి వెర్షన్ ఆలపిస్తున్న సమయంలో సోనియా గాంధీ అసహనం వ్యక్తం చేశారని, దానిని మధ్యలోనే నిలిపివేయడానికి ప్రయత్నించారని ఆయన ఆరోపించారు. ఈ చర్య కేవలం దురదృష్టకరం మాత్రమే కాదని, కాంగ్రెస్ పార్టీ చేస్తున్న చారిత్రక తప్పిదాల పునరావృతం అని ఆయన మండిపడ్డారు.

ఈ వ్యవహారంపై సుమిత్రో ఛటర్జీ తీవ్ర ఆవేదన, ఆగ్రహం వ్యక్తం చేస్తూ దేశ ప్రజలకు, ముఖ్యంగా పశ్చిమ బెంగాల్ వాసులకు సోనియా గాంధీ బేషరతుగా క్షమాపణ చెప్పాలని డిమాండ్ చేశారు. స్వతంత్ర భారతదేశ గడ్డపై, దేశమంతా మాతృభూమిని ఆరాధిస్తున్న వేళ వందేమాతరంపై అసహనం ప్రదర్శించడం అంటే ఖుదీరాం బోస్ వంటి ఎందరో స్వాతంత్ర్య సమరయోధుల ప్రాణత్యాగాలను అవమానించడమేనని ఆయన లేఖలో పేర్కొన్నారు. ఒక సాధారణ పౌరుడిగా, దేశభక్తుడిగా మరియు బంకించంద్ర కుటుంబ ప్రత్యక్ష వారసుడిగా తాను ఈ విషయాన్ని తీవ్రంగా ఖండిస్తున్నట్లు ఆయన స్పష్టం చేశారు.

వందేమాతరం ప్రాముఖ్యతను గుర్తుచేస్తూ, శ్రీ అరబిందో చెప్పినట్లుగా ఈ మంత్రం యావత్ జాతిని దేశభక్తి అనే ధర్మంలోకి నడిపించిందని ఛటర్జీ వివరించారు. 1896 కాంగ్రెస్ సమావేశంలో రవీంద్రనాథ్ ఠాగూర్ ఆలపించినప్పటి నుంచి, 1905 బనారస్ సమావేశంలో సరళా దేవి చౌధురాని పాడిన సందర్భం, 1909లో తిలక్ దేశద్రోహం విచారణ సమయంలో ప్రజలు నినదించడం, 1938లో నిజాం ఆంక్షలను ధిక్కరించి ఉస్మానియా విశ్వవిద్యాలయ విద్యార్థులు సాగించిన పోరాటం వరకు వందేమాతరమే భారత స్వాతంత్ర్య ఉద్యమానికి ఊపిరిగా నిలిచిందని ఆయన ప్రస్తావించారు.

కాంగ్రెస్ పార్టీ చరిత్రను దుయ్యబడుతూ, 1937లో మొహమ్మద్ అలీ జిన్నా అభ్యంతరాలకు తలొగ్గి కాంగ్రెస్ వందేమాతరం గీతాన్ని కుదించిందని, ఇప్పటికీ అదే “ద్వంద్వ విధానం” మరియు రాజీ ధోరణి ఆ పార్టీ వైఖరిలో కనిపిస్తోందని ఛటర్జీ ఆరోపించారు. బెంగాల్‌లో కాంగ్రెస్ విద్యార్థి విభాగం (ఛాత్ర పరిషత్) సైతం ‘వందేమాతరం’ నినాదాన్ని వాడుతుండగా, అధిష్టానం మాత్రం ఆ గీతం పట్ల వ్యతిరేకత చూపడం విడ్డూరంగా ఉందని ఆయన ఎద్దేవా చేశారు.

వందేమాతరం అనేది ఏ ఒక్క రాజకీయ పార్టీ సొత్తు కాదని, అది దేశ సమిష్టి స్మృతి మరియు అమరవీరుల త్యాగాల పునాదులపై నిలిచిన పవిత్ర జాతీయ ప్రతీక అని ఆయన స్పష్టం చేశారు. సొంత దేశ స్వాతంత్ర్య మూల మంత్రాన్ని గౌరవించలేని ఏ నాయకత్వాన్నైనా చరిత్ర ఎప్పటికీ క్షమించదని, కాలగర్భంలో కలిసిపోక తప్పదని హెచ్చరించారు. కేంద్ర హోం మంత్రి అమిత్ షా సైతం కాంగ్రెస్ తీరును తీవ్రంగా తప్పుబడుతూ బహిరంగ సభల్లో విమర్శలు గుప్పించడంతో ఈ వివాదం మరింత పెద్ద రాజకీయ చర్చగా మారింది.

Journalist Sirisha
an independent Nationalist journalist. I bring professional rigor to grassroots reporting. My focus is on cutting through the noise to deliver the unapologetic truth and hold the establishment accountable.

The post వందేమాతరం ఎవరి జాగీరూ కాదు.. అమరవీరుల త్యాగఫలం: సోనియా గాంధీకి బంకించంద్ర వారసుడి స్ట్రాంగ్ కౌంటర్! appeared first on Journalist Sirisha.

]]> https://kadpathr.in/national-news/vande-mataram-controversy-bankim-chandra-descendant-slams-sonia-gandhi/feed/ 0 నెత్తురు చిందిన నేలపై… రెపరెపలాడిన మువ్వన్నెల జెండా https://kadpathr.in/editorial/netthuru-chindina-nelapai-rep-repaladina-muvvannele-jenda/ https://kadpathr.in/editorial/netthuru-chindina-nelapai-rep-repaladina-muvvannele-jenda/#respond Wed, 12 Aug 2026 18:40:47 +0000 https://kadpathr.in/?p=2384 దేశమంతటా  మువ్వన్నెల జెండా రెపరెపలాడుతూ ‘తిరంగా ర్యాలీ’లు అట్టహాసంగా జరగనున్నాయి. అయితే, ఈ స్వేచ్ఛా వాయువులు, ఈ జెండా ఎగురవేసే హక్కు తెలంగాణ ప్రజలకు అంత సులభంగా రాలేదు. 1947 ఆగస్టు 15న దేశమంతా స్వాతంత్ర్య సంబరాల్లో మునిగిపోతే, తెలంగాణ మాత్రం నిజాం నిరంకుశ పాదాల కింద నలిగిపోతూ చీకట్లోనే ఉండిపోయింది. ఆ చీకటిని చీల్చుకుని, జాతీయ జెండాను ఎగురవేయడం కోసం ఎంతోమంది తెలంగాణ ముద్దుబిడ్డలు తమ ప్రాణాలను బలిదానం చేశారు. అప్పటి ఏడవ నిజాం మీర్ […]

The post నెత్తురు చిందిన నేలపై… రెపరెపలాడిన మువ్వన్నెల జెండా appeared first on Journalist Sirisha.

]]>

దేశమంతటా  మువ్వన్నెల జెండా రెపరెపలాడుతూ ‘తిరంగా ర్యాలీ’లు అట్టహాసంగా జరగనున్నాయి. అయితే, ఈ స్వేచ్ఛా వాయువులు, ఈ జెండా ఎగురవేసే హక్కు తెలంగాణ ప్రజలకు అంత సులభంగా రాలేదు. 1947 ఆగస్టు 15న దేశమంతా స్వాతంత్ర్య సంబరాల్లో మునిగిపోతే, తెలంగాణ మాత్రం నిజాం నిరంకుశ పాదాల కింద నలిగిపోతూ చీకట్లోనే ఉండిపోయింది. ఆ చీకటిని చీల్చుకుని, జాతీయ జెండాను ఎగురవేయడం కోసం ఎంతోమంది తెలంగాణ ముద్దుబిడ్డలు తమ ప్రాణాలను బలిదానం చేశారు.

అప్పటి ఏడవ నిజాం మీర్ ఉస్మాన్ అలీ ఖాన్ హైదరాబాద్ రాష్ట్రాన్ని స్వతంత్ర దేశంగా ప్రకటించుకోవాలని కలలు కన్నాడు. భారత దేశంలో విలీనం చేసేది లేదని తేల్చి చెప్పడమే కాకుండా, తన సొంత ఆసఫ్ జాహీ జెండాను మాత్రమే ఎగురవేయాలని ఫర్మానా జారీ చేశాడు. తెలంగాణ గడ్డపై మువ్వన్నెల జెండాను ఎగురవేయడం, కనీసం జాతీయ గీతాన్ని ఆలపించడం అప్పట్లో రాజద్రోహంగా పరిగణించబడింది. ఆంక్షలను ధిక్కరించి జెండా పట్టిన వారిపై నిజాం పోలీసు బలగాలు, ఖాసిం రజ్వీ నేతృత్వంలోని ప్రైవేటు సైన్యం ‘రజాకార్లు’ సాగించిన ఆకృత్యాలకు అంతులేదు.

జాతీయ జెండాపై నిజాం విధించిన నిషేధాన్ని సవాల్ చేస్తూ హైదరాబాద్ స్టేట్ కాంగ్రెస్ నాయకుడు స్వామి రామానంద తీర్థ ‘జాయిన్ ఇండియా’ (భారత్‌లో విలీనం) ఉద్యమానికి పిలుపునిచ్చారు. దీంతో తెలంగాణలోని పల్లెపల్లెనా యువకులు, రైతులు, విద్యార్థులు ప్రాణాలకు తెగించి జాతీయ జెండాను ఎగురవేసేందుకు ముందుకొచ్చారు. రాత్రికి రాత్రే చెట్ల పైన, గుట్టల పైన, పాడుబడిన కోటల పైన రహస్యంగా మువ్వన్నెల జెండాను పాతారు. ఈ క్రమంలో రజాకార్ల కర్కశత్వానికి ఎదురొడ్డి ఎందరో వీరులు తమ ప్రాణాలను తృణప్రాయంగా వదిలేశారు.

జాతీయ జెండా కోసం జరిగిన పోరాటంలో  ‘పరకాల రక్తమోడింది. దక్షిణ భారత జలియన్‌వాలా బాగ్‌గా చరిత్ర పుటల్లో నిలిచిపోయిన ఘోరమైన ఘటన అది. సెప్టెంబర్ 2, 1947న వరంగల్ జిల్లా పరకాలలో జాతీయ జెండాను ఎగురవేసేందుకు చుట్టుపక్కల గ్రామాల నుంచి వేలాది మంది ప్రజలు ఉత్సాహంగా కదిలివచ్చారు. శాంతియుతంగా జెండా వందనం చేయడానికి గుమికూడిన ఆ నిరాయుధులపై నిజాం పోలీసులు, రజాకార్లు విచక్షణారహితంగా కాల్పులకు తెగబడ్డారు.  ఆ నెత్తుటి మారణకాండలో జాతీయ జెండాను గుండెలకు హత్తుకుని 22 మంది అమాయకులు ప్రాణాలు కోల్పోయారు. కొండా లక్ష్మయ్య, మేకల పోచయ్య, బత్తుల సమ్మయ్య లాంటి ఎందరో సామాన్య రైతులు, యువకులు ఆ రోజు మాతృభూమి కోసం నెత్తురు చిందించారు. బుల్లెట్లు దూసుకువస్తున్నా భయపడకుండా, ఒకరి చేతిలోంచి మరొకరు జెండాను అందుకుంటూ, ఆ జెండా నేల రాలకుండా తమ ప్రాణాలను అడ్డువేశారు. ఆ అమరుల త్యాగం తెలంగాణ స్వాతంత్ర్య పోరాటంలో ఎన్నటికీ చెరిగిపోని సువర్ణాక్షరాల అధ్యాయం.

కేవలం పరకాలలోనే కాదు, ఖమ్మం, భైరాన్‌పల్లి లాంటి ఎన్నో గ్రామాల్లో జాతీయ జెండా కోసం చారిత్రక ఘట్టాలు చోటుచేసుకున్నాయి. భైరాన్‌పల్లి బురుజుపై త్రివర్ణ పతాకాన్ని ఎగురవేసినందుకు రజాకార్లు ఊరి మీద పడి దారుణ మారణకాండ సృష్టించారు. వందేమాతరం రామచంద్రరావు లాంటి యువకులు ఉస్మానియా విశ్వవిద్యాలయం వేదికగా జాతీయ భావాలను రగిలించి, జైలు శిక్షలు, చిత్రహింసలు అనుభవించారు. ప్రాణం పోయినా సరే, నిజాం జెండాకు వంగి నమస్కరించేది లేదని నాటి తెలంగాణ బిడ్డలు తెగేసి చెప్పారు.

నేడు మనం స్వేచ్ఛగా జరుపుకుంటున్న తిరంగా ర్యాలీలు, సగర్వంగా ఎగురవేస్తున్న ప్రతి మువ్వన్నెల జెండా వెనుక ఆనాటి తెలంగాణ వీరుల నెత్తుటి ధారలు ఉన్నాయి. జాతీయ జెండా కోసం నిజాం తూటాలకు ఎదురొడ్డి నిలిచిన ఆ అమరుల బలిదానాలను స్మరించుకోవడం ప్రతి భారతీయుడి, ముఖ్యంగా ప్రతి తెలంగాణ వాసి బాధ్యత.  ఆకాశంలో రెపరెపలాడే ప్రతి జెండా, పరకాల వీరుల శౌర్యాన్ని, భైరాన్‌పల్లి పోరాట స్ఫూర్తిని మనకు ఎలుగెత్తి చాటాలి. ఆ అమరుల త్యాగాలను స్మరించుకుంటూ, వారికి ఘనమైన నివాళులు అర్పిద్దాం!

Journalist Sirisha
an independent Nationalist journalist. I bring professional rigor to grassroots reporting. My focus is on cutting through the noise to deliver the unapologetic truth and hold the establishment accountable.

The post నెత్తురు చిందిన నేలపై… రెపరెపలాడిన మువ్వన్నెల జెండా appeared first on Journalist Sirisha.

]]> https://kadpathr.in/editorial/netthuru-chindina-nelapai-rep-repaladina-muvvannele-jenda/feed/ 0