స్వతంత్ర జర్నలిజం ముసుగులో అజెండా రాజకీయాలా? నిష్పక్షపాతంగా వార్తలు అందిస్తానని చెప్పుకుంటూ.. వాస్తవాలను వక్రీకరించి ఫేక్ న్యూస్ వ్యాప్తి చేయడం ఎంతవరకు సమంజసం? అయోధ్య రామాలయం సాకుగా చూపి, సగం నిజాలతో నరేటివ్ సెట్ చేసి ఏపీ డిప్యూటీ సీఎం పవన్ కళ్యాణ్‌పై బురదజల్లే ప్రయత్నం చేశారు యూట్యూబర్ తులసి చందు. ‘రాముడి కంటే రావణ్ ముఖ్యమా?’ అంటూ ప్రేక్షకులను తప్పుదోవ పట్టించేలా ఆమె చేసిన వీడియోలో దాచిపెట్టిన నిజాలేంటి? ఆమె ఆరోపణల వెనుక ఉన్న ఫేక్ న్యూస్ బండారం ఏంటి? పూర్తి ఫ్యాక్ట్ చెక్ రిపోర్ట్ మీకోసం:

హుండీ దొంగతనాన్ని దాచేశారు.. ఎవరూ పట్టించుకోవట్లేదు?

• వాస్తవం: అయోధ్యలో చోరీ జరిగింది నిజమే. కానీ, దీన్ని అధికారులు దాచిపెట్టలేదు. బ్యాంకులో డిపాజిట్ అవుతున్న మొత్తానికి, లెక్కలకు తేడా ఉండడాన్ని శ్రీరామ జన్మభూమి తీర్థక్షేత్ర ట్రస్ట్ అధికారులే స్వయంగా గుర్తించారు. కౌంటింగ్ రూమ్‌లో సీక్రెట్ కెమెరాలు ఏర్పాటు చేసి దొంగలను పట్టుకుంది వారే. ట్రస్ట్ ఫిర్యాదుతో యూపీ ప్రభుత్వం సిట్ (SIT) ఏర్పాటు చేసింది.
• తాజా అప్‌డేట్: ఈ స్కామ్‌లో విచారణ జరిపిన సిట్.. క్లర్క్ అవినాష్ శుక్లాను ప్రైమ్ అక్యూజ్డ్‌గా తేల్చింది. ఇప్పటివరకు ఈ కేసులో 8 మందిని అరెస్ట్ చేసి రూ. 80 లక్షలకు పైగా రికవరీ చేశారు.

Ayodhya Ram Mandir Premises. Source: Kailash Mansarovar Yatra

. భూకుంభకోణం: 2 కోట్ల భూమిని 10 నిమిషాల్లో 18.5 కోట్లకు కొన్నారా?

• వాస్తవం: వీడియోలో 2 కోట్ల భూమిని కేవలం 10 నిమిషాల వ్యవధిలో ట్రస్ట్ 18.5 కోట్లకు కొని రాముడిని నిలువునా దోచేసింది అని తులసి చందు ఆరోపించారు. కానీ దీని వెనుక ఉన్న అసలు వాస్తవాన్ని దాచేశారు. ఆ భూమికి సంబంధించిన అసలు కొనుగోలు ఒప్పందం (Agreement to sell) పదేళ్ల క్రితమే (2011 సమయంలో) జరిగింది. ఆ పాత అగ్రిమెంట్ ప్రకారమే 2021లో మొదటి రిజిస్ట్రేషన్ పాత ధరకే (2 కోట్లకు) జరిగింది.
• కానీ ట్రస్ట్ ఆ భూమిని కొనుగోలు చేసే నాటికి (2021) అయోధ్యలో రామ మందిర నిర్మాణం నేపథ్యంలో భూముల ధరలు విపరీతంగా పెరిగాయి. అప్పటి కరెంట్ మార్కెట్ వాల్యూ ప్రకారమే ట్రస్ట్ ఆ భూమిని 18.5 కోట్లకు కొనుగోలు చేసింది. ఈ విషయాన్ని ట్రస్ట్ 2021లోనే ఆధారాలతో సహా స్పష్టం చేసింది. పాత అగ్రిమెంట్ విషయాన్ని కప్పిపుచ్చి, కేవలం 10 నిమిషాల్లో రేటు పెరిగిందని చెప్పడం పూర్తిగా ప్రజలను తప్పుదోవ పట్టించడమే.

1250 కిలోల బంగారం, వెండి మాయమయ్యాయా?

• వాస్తవం: సంతోష్ దూబే చేసిన ఈ ఆరోపణలను ట్రస్ట్ తీవ్రంగా ఖండించింది. భక్తులు ఇచ్చిన 2,926 వస్తువులు (బంగారం, వెండి ఇటుకలు, ఆభరణాలు) స్వతంత్ర చార్టర్డ్ అకౌంటెంట్ ద్వారా ప్రతి ఏటా ఆడిట్ చేయబడుతున్నాయని, అవన్నీ భద్రంగా ఉన్నాయని ట్రస్ట్ ట్రెజరర్ గోవింద దేవగిరి స్పష్టం చేశారు. పారదర్శకత కోసం వాటిని బహిరంగ ప్రదర్శనకు కూడా ఉంచారు.

చంపత్ రాయ్ రాజీనామా పై వీడియోలో తప్పుడు సమాచారం

• వాస్తవం: చంపత్ రాయ్ రాజీనామా పెండింగ్‌లో ఉందని, జూలై 11న నిర్ణయం తీసుకుంటారని వీడియోలో తులసి చందు పేర్కొన్నారు. కానీ ఇది పూర్తిగా పాత వార్త. ప్రజలకు తప్పుడు సమాచారం ఇవ్వడమే.
• తాజా అప్‌డేట్: దొంగతనం వెలుగుచూసిన తర్వాత నైతిక బాధ్యత వహిస్తూ ట్రస్ట్ జనరల్ సెక్రటరీ చంపత్ రాయ్, సభ్యుడు అనిల్ మిశ్రా చేసిన రాజీనామాలను జూలై 6న జరిగిన ప్రత్యేక సమావేశంలో ట్రస్ట్ అధికారికంగా ఆమోదించింది. వారి స్థానంలో కృష్ణ మోహన్‌ను ఇంటీరియమ్ జనరల్ సెక్రటరీగా నియమిస్తూ ఆలయ ట్రస్ట్‌లో ప్రక్షాళన ఇప్పటికే పూర్తయింది.

నేషనల్ మీడియా సైలెంట్ గా ఉందా?

• వాస్తవం: దొంగతనం జరిగిన నాటి నుంచి ఇండియా టుడే, WION, టైమ్స్ ఆఫ్ ఇండియా లాంటి జాతీయ మీడియా సంస్థలు దీనిపై కంటిన్యూస్ ఇన్వెస్టిగేటివ్ కవరేజ్ ఇస్తూనే ఉన్నాయి. అఖిలేష్ యాదవ్, అరవింద్ కేజ్రీవాల్ లాంటి జాతీయ నేతలు ప్రెస్ మీట్లు పెట్టి విమర్శలు గుప్పించారు. దీనిపై దేశవ్యాప్తంగా చర్చ జరగలేదనడం పచ్చి అబద్ధం.

రాముడి కంటే ‘రావణ్’ ముఖ్యమా? (పవన్ కళ్యాణ్‌ పై విమర్శ)

• వాస్తవం: ఇక్కడ రెండు వేర్వేరు రాష్ట్రాల, వేర్వేరు అంశాలను ముడిపెట్టే ప్రయత్నం జరిగింది. యూట్యూబర్ రావణ్‌పై ఉపా (UAPA) కేసు నమోదు కావడం, అతన్ని అరెస్ట్ చేయడం ఆంధ్రప్రదేశ్ శాంతిభద్రతలకు సంబంధించిన అంశం. ఆ రాష్ట్ర ఉపముఖ్యమంత్రిగా పవన్ కళ్యాణ్ ఆ బాధ్యతలు చూస్తున్నారు. అయోధ్య ఉత్తరప్రదేశ్ రాష్ట్రం మరియు కేంద్రం పరిధిలోని అంశం. అక్కడ యోగి ఆదిత్యనాథ్ ప్రభుత్వం ఇప్పటికే సిట్ వేసి యాక్షన్ మోడ్‌లో ఉంది. యూపీలో జరుగుతున్న దర్యాప్తును పక్కనపెట్టి, ఏపీ మంత్రిని ప్రశ్నించడంలో కేవలం పొలిటికల్ అజెండా, బురదజల్లే ఉద్దేశాలే తప్ప ఏమాత్రం లాజిక్ లేదు.

సొంత రాష్ట్రంలో గుడులపై దాడులు జరిగితే సైలెంటా?

• వాస్తవం: యూట్యూబర్ తులసి చందు నివసిస్తున్నది తెలంగాణ రాష్ట్రంలో. ఇటీవల తెలంగాణలో హిందూ దేవాలయాలపై దాడులు జరిగిన ఘటనలు అనేకం వెలుగుచూశాయి. ఈ దాడుల వెనుక ఉన్న నిజానిజాలు తేల్చడానికి ముఖ్యమంత్రి రేవంత్ రెడ్డి ప్రభుత్వం కూడా సిట్ (SIT) వేసి దర్యాప్తుకు ఆదేశించింది. సొంత రాష్ట్రంలో, కళ్లెదుటే హిందూ దేవాలయాలపై దాడులు జరుగుతున్నా, వాటిపై ఇక్కడ సిట్ విచారణలు జరుగుతున్నా.. వాటిని ఏనాడూ ప్రశ్నించని ఈ ‘ఇండిపెండెంట్ జర్నలిస్ట్’.. ఎక్కడో ఉత్తరప్రదేశ్‌లో జరిగిన ఇష్యూని పట్టుకుని ఏపీ ఉపముఖ్యమంత్రి పవన్ కళ్యాణ్‌ను టార్గెట్ చేయడం దేనికి సంకేతం? తెలంగాణలో గుడులపై దాడులు జరిగినప్పుడు రేవంత్ రెడ్డి ప్రభుత్వాన్ని ఎందుకు నిలదీయరు? తనకు కావాల్సిన పొలిటికల్ అజెండాను మాత్రమే భుజానికెత్తుకుని, లోకల్ ఇష్యూస్‌ను గాలికొదిలేయడం ఎలాంటి జర్నలిజం?

అయోధ్య ఆలయంలో కింది స్థాయి సిబ్బంది కొందరు అవినీతికి పాల్పడింది వాస్తవం. అయితే ఆ దొంగలను పట్టుకుంది, సిట్ వేసి అరెస్టులు చేయించింది ట్రస్ట్ మరియు ప్రభుత్వమే. భూముల వ్యవహారంలోనూ పాత అగ్రిమెంట్ల ప్రకారం జరిగిన లావాదేవీలను స్కామ్‌గా చిత్రీకరించే ప్రయత్నం జరిగింది. పూర్తి వాస్తవాలను, లేటెస్ట్ అప్‌డేట్స్ ను కావాలనే దాచిపెట్టి.. సగం నిజాలతో యాంటీ-గవర్నమెంట్ నరేటివ్‌ను సెట్ చేస్తూ, జర్నలిజం పేరుతో ఫేక్ న్యూస్ స్ప్రెడ్ చేయడం శోచనీయం.

The post ఫ్యాక్ట్ చెక్ బై జర్నలిస్ట్ శిరీష! ‘ఇండిపెండెంట్ జర్నలిజం’ ముసుగులో తులసి చందు ఫేక్ న్యూస్ ప్రచారం? appeared first on Journalist Sirisha.

హిందూ సంప్రదాయంలో ‘నెలసరి’ని (రుతుక్రమాన్ని) అపవిత్రంగా భావిస్తారని గొంతు చించుకునే కుహనా మేధావులకు, సాక్షాత్తూ ఆ దేవినే రుతుమతిగా ఆరాధించే గొప్పతనం మన సనాతన ధర్మానికే సొంతం అన్న విషయం బహుశా తెలియకపోవచ్చు.

గుడి తలుపులు మూసివేసే ఆ మూడు రోజులు…

ప్రతి సంవత్సరం జూన్ నెలలో వచ్చే “అంబుబాచి మేళా” సమయంలో కామాఖ్య ఆలయం తలుపులు మూడు రోజుల పాటు పూర్తిగా మూసివేస్తారు. ఆ సమయంలో ఎలాంటి పూజలు జరగవు, గుడిలోకి పూజారులకు సైతం ప్రవేశం ఉండదు. దీనికి కారణం… ఆ మూడు రోజులూ సృష్టికి మూలమైన దేవి రుతుక్రమంలో ఉంటుందని భక్తుల ప్రగాఢ విశ్వాసం.

విగ్రహం ఉండదు.. కేవలం ‘యోని’ ఆరాధన!

కామాఖ్య దేవాలయం గర్భగుడిలో మీరు ఆశించే సాధారణ దేవుని విగ్రహాలు ఉండవు. మెట్లు దిగి భూగర్భంలో ఉన్న సహజ సిద్ధమైన గుహలోకి వెళితే, అక్కడ ఒక యోని ఆకారంలో ఉన్న సహజసిద్ధమైన శిల మాత్రమే కనిపిస్తుంది. ఆ శిల కింద నుండి ఒక నీటి ఊట నిరంతరం ప్రవహిస్తూ ఉంటుంది.

పురాణాల ప్రకారం విష్ణుమూర్తి సుదర్శన చక్రంతో సతీదేవి శరీరాన్ని ఖండించినప్పుడు, సృష్టికి మూలమైన ఆమె ‘యోని’ భాగం ఈ నీలాచల్ పర్వతం మీద పడింది. అందుకే ఈ భూమి మీద ఉన్న 51 శక్తిపీఠాలలో ఇది అత్యంత పురాతనమైనది, శక్తివంతమైనది.

ఇక్కడ అమ్మవారికి రూపం లేదు. ఆ శిల, ఆ నీటి ఊట, ఈ పవిత్ర భూమి.. ఇవన్నీ ఆ దేవి స్వరూపాలే! త్రిపుర సుందరి, కమల తదితర దశ మహావిద్యలను ఒకే ప్రాంగణంలో ఆరాధించే ఏకైక క్షేత్రం ఇది. తంత్ర సాధకులకు, శాక్తేయ సంప్రదాయానికి ఇదే మూల కేంద్రం.

ప్రకృతితో మమేకమైన మన సంప్రదాయం

ప్రతి ఏటా జూన్ మూడవ వారంలో ఆ భూగర్భ ఊట నుండి వచ్చే నీరు ఎరుపు రంగులోకి మారుతుంది. ఆశ్చర్యకరంగా బ్రహ్మపుత్రా నది నీరు కూడా ఆ గుడి సమీపంలో ఎర్రగా మారుతుంది. అమ్మవారు రుతుక్రమంలో ఉండటం వల్లే భూమి రజస్వల అవుతోందని భక్తుల నమ్మకం.

ఇక్కడ మనం గర్వపడాల్సిన విషయం ఏమిటంటే… ఈ మూడు రోజులు అస్సాం గ్రామీణ రైతులు భూమిని దున్నడం, వ్యవసాయ పనులు పూర్తిగా ఆపేస్తారు. సృష్టికి మూలమైన దేవి విశ్రాంతి తీసుకుంటున్నప్పుడు, భూతల్లిని యంత్రాలతో ఇబ్బంది పెట్టకూడదన్నది వారి ఉద్దేశం. సృష్టితో, ప్రకృతితో ఇంతలా మమేకమైన ఇలాంటి సంప్రదాయం ప్రపంచంలో మరెక్కడైనా ఉందా?

చరిత్రలో దాగి ఉన్న అద్భుత గాథలు

ఈ ఆలయం చరిత్ర కేవలం ఆధ్యాత్మికం మాత్రమే కాదు, ఎన్నో చారిత్రక పరిణామాలకు సజీవ సాక్ష్యం.

• నరకాసురుడి గర్వభంగం: అమ్మవారిని వివాహం చేసుకోవాలని నరకాసురుడు ప్రయత్నించి, ఒకే రాత్రిలో పర్వతం కింది నుండి పైకి రాతి మెట్లు కట్టే ప్రయత్నం చేస్తే, అమ్మవారు ఒక కోడి కూతను సృష్టించి వాడిని బురిడీ కొట్టించిన కథ ఇక్కడ ప్రసిద్ధి. నేటికీ ఆ సగం కట్టిన మెట్లు మనకు కనిపిస్తాయి.
• కోచ్ రాజవంశానికి శాపం: 16వ శతాబ్దంలో విదేశీ దండయాత్రల వల్ల ధ్వంసమైన ఈ ఆలయాన్ని పునర్నిర్మించిన కోచ్ (Koch) వంశ రాజులు, అమ్మవారి నాట్యాన్ని రహస్యంగా చూడాలని ప్రయత్నించి తీవ్రమైన శాపానికి గురయ్యారు. ఆ శాపం వల్ల నేటికీ ఆ రాజవంశానికి చెందిన వారు కామాఖ్య ఆలయం వైపు కన్నెత్తి కూడా చూడరు!

ఆధునికవాదులకు ఒక ప్రశ్న!

మూడు రోజుల తర్వాత గుడి తలుపులు తెరిచినప్పుడు, అమ్మవారి శిలపై కప్పిన ఎర్రటి వస్త్రాన్ని (అంగవస్త్రం), సింధూరం కలిసిన పవిత్ర జలాన్ని భక్తులకు ప్రసాదంగా ఇస్తారు. భారతదేశంలోనే అత్యంత శక్తివంతమైన ప్రసాదంగా దీనిని భావిస్తారు. లక్షలాది మంది భక్తులు ఈ ప్రసాదం కోసం వేచి చూస్తారు.

సృష్టి, సంతానోత్పత్తికి కారణమైన రుతుక్రమం అపవిత్రం ఎలా అవుతుంది? అది సృష్టికి మూలాధారం అని వేల ఏళ్ల క్రితమే గుర్తించి, ఆ ప్రక్రియను అత్యంత పవిత్రంగా పూజించిన సనాతన ధర్మం గొప్పదా? లేక పాశ్చాత్య భావజాలంతో మన సంస్కృతిని కించపరిచే నకిలీ మేధావులు గొప్పవాళ్లా?

మహిళను కేవలం ఒక భోగ వస్తువుగా చూసే పాశ్చాత్య సమాజాలకు, స్త్రీని సృష్టికి మూలమైన శక్తి స్వరూపిణిగా పూజించే సనాతన ధర్మానికి ఉన్న వ్యత్యాసం ఇదే! ఈ అద్భుతమైన వైదిక విజ్ఞానాన్ని ప్రతి హిందువు తెలుసుకోవాలి, గర్వంగా పది మందికి చెప్పాలి.

The post హిందూ వ్యతిరేకుల నోరు మూయించే కామాఖ్య శక్తిపీఠం చరిత్ర! ఆధునికవాదులు దాస్తున్న నిజాలివే appeared first on Journalist Sirisha.

వివరాల్లోకి వెళితే, ఈ వామపక్ష, హిందూ వ్యతిరేక ఎకోసిస్టమ్ ప్రతినిధి చేసిన చట్టవ్యతిరేక పనుల చిట్టా సామాన్యమైనది కాదు:

ఒక మనిషి… నాలుగు రాష్ట్రాలు… నాలుగు ఓటరు కార్డులు!

భారత ఎన్నికల సంఘం చట్టాల ప్రకారం, దేశ పౌరుడైన ఏ వ్యక్తయినా సరే ఒకే నియోజకవర్గంలో, ఒకే ఓటరు కార్డు కలిగి ఉండాలి. ఒకటి కంటే ఎక్కువ చోట్ల ఓటరుగా నమోదు కావడం చట్టరీత్యా నేరం. కానీ, అందరికీ నీతులు చెప్పే ప్రకాష్ రాజ్‌కు మాత్రం కర్ణాటక, తమిళనాడు, తెలంగాణ సహా మరో రాష్ట్రంలో (మొత్తం నాలుగు రాష్ట్రాల్లో) ఓటరు కార్డులు ఉన్నట్లు ఆరోపణలు వచ్చాయి.

• ఇది పొరపాటున జరిగిందా? లేక ఎన్నికల ప్రక్రియను మానిప్యులేట్ చేయడానికి ఈ కపట మేధావులు ఆడుతున్న నాటకమా?
• దేశ భద్రత గురించి, ఎన్నికల పారదర్శకత గురించి మాట్లాడే హక్కు ఈ “నకిలీ ఓటరు”కు ఎక్కడిది?

వ్యవస్థల వైఫల్యం.. ఒక దేశభక్తుడి న్యాయపోరాటం!

2019లోనే న్యాయవాది దిలీప్ కుమార్ అనే వ్యక్తి, ప్రకాష్ రాజ్ చేస్తున్న ఈ ఎలక్షన్ ఫ్రాడ్‌పై పక్కా ఆధారాలతో బెంగళూరులోని హలసూరు గేట్ పోలీస్ స్టేషన్‌లో ఫిర్యాదు చేశారు. కానీ మన పోలీసు వ్యవస్థ ఎవరికి చుట్టం? ఇలాంటి “లెఫ్టిస్ట్ లిబరల్” గ్యాంగ్ మీద కేసు నమోదు చేయడానికి పోలీసులకు చేతులు రాలేదు. నెలల తరబడి ఎఫ్‌ఐఆర్ (FIR) నమోదు చేయకుండా దాటవేశారు.

పోలీసులు పట్టించుకోకపోవడంతో, న్యాయవాది దిలీప్ కుమార్ వెనక్కి తగ్గకుండా ఏకంగా ఎలక్షన్ కమిషన్‌కు, బెంగళూరు పోలీస్ కమిషనర్‌కు ఫిర్యాదు చేశారు. అక్కడ కూడా ఈ “మేధావి” పలుకుబడి పనిచేసిందో ఏమో, ఎలాంటి చర్యలూ తీసుకోలేదు. చివరికి, ఈ వ్యవస్థల మొద్దునిద్రను వదిలించడానికి దిలీప్ కుమార్ న్యాయస్థానాన్ని ఆశ్రయించాల్సి వచ్చింది.

కోర్టు సమన్లంటే లెక్కలేనితనం! అహంకారం నెత్తికెక్కిందా?

దిలీప్ కుమార్ దాఖలు చేసిన పిటిషన్‌ను విచారించిన బెంగళూరు కోర్టు, ఈ విషయాన్ని అత్యంత తీవ్రంగా పరిగణించింది. ఈ కేసు విచారణకు హాజరు కావాలని ప్రకాష్ రాజ్‌కు వరుసగా రెండుసార్లు సమన్లు జారీ చేసింది. కానీ, ప్రధానిని ఉద్దేశించి, దేశ చట్టాలను ఉద్దేశించి ఉచిత సలహాలు ఇచ్చే ఈ పెద్దమనిషి, కోర్టు సమన్లను కనీసం ఖాతరు చేయలేదు. రెండుసార్లూ కోర్టుకు హాజరుకాలేదు. న్యాయస్థానం పట్ల, న్యాయవ్యవస్థ పట్ల ఈ ఎకోసిస్టమ్‌కు ఉన్న గౌరవం ఏపాటిదో ఈ ఒక్క సంఘటనతో తేటతెల్లమైంది. చట్టం తన చుట్టం అన్నట్లుగా వ్యవహరించిన ప్రకాష్ రాజ్ అహంకారాన్ని గమనించిన న్యాయమూర్తి, తీవ్ర ఆగ్రహం వ్యక్తం చేస్తూ ఏకంగా నాన్-బెయిలబుల్ వారెంట్ జారీ చేశారు.

బుకాయింపులు… ఫేక్ న్యూస్ అంటూ కొత్త రాగం!

కోర్టు నాన్-బెయిలబుల్ వారెంట్ జారీ చేయగానే, తప్పును అంగీకరించి న్యాయస్థానం ముందు తలవంచాల్సింది పోయి… ప్రకాష్ రాజ్ తనదైన శైలిలో వితండవాదానికి దిగారు. X (ట్విట్టర్) వేదికగా తనపై “ఫేక్ న్యూస్” ప్రచారం జరుగుతోందని, “అమ్ముడుపోయిన వారు, అసహనంతో ఉన్నవారు ఇలాంటి అబద్ధాలు సృష్టిస్తున్నారు” అంటూ ఎదురుదాడికి దిగారు.

• కోర్టు జారీ చేసిన వారెంట్ ఫేక్ న్యూసా ప్రకాష్ రాజ్ గారూ?
• మీపై ఆధారాలతో సహా చేసిన ఫిర్యాదులు అబద్ధాలా?
• కోర్టు సమన్లకు హాజరుకాకుండా దాక్కోవడం దేనికి నిదర్శనం?

నిజాన్ని నిర్భయంగా ప్రశ్నించే రైట్ వింగ్ మీడియాను, జాతీయవాదులను చూస్తే ఈ కపట మేధావులకు వణుకు పుడుతోంది. హిందూ ధర్మాన్ని కించపరచడమే ఫ్యాషన్‌గా మార్చుకున్న వీరికి, చట్టం తన పని తాను చేస్తే అది “ఫేక్ న్యూస్” లాగా కనిపిస్తుంది. ఏది ఏమైనా, దేశభక్తుల సహనానికి పరీక్ష పెడుతున్న ఇలాంటి వ్యక్తులు చట్టం ముందు బోనులో నిలబడాల్సిన సమయం ఆసన్నమైంది. ఈ నాన్-బెయిలబుల్ వారెంట్‌తో ప్రకాష్ రాజ్‌ను అరెస్ట్ చేసి, ఆయన నాలుగు ఓటరు కార్డుల బాగోతాన్ని పూర్తిగా దర్యాప్తు చేయాలని కద్పత్ర్ డిమాండ్ చేస్తోంది!దూ వ్యతిరేక వ్యాఖ్యలతో ఎప్పుడూ వార్తల్లో నిలిచే, తనను తాను మేధావిగా ఫీలయ్యే నటుడు ప్రకాష్ రాజ్‌కు బెంగళూరు కోర్టు దిమ్మతిరిగే షాక్ ఇచ్చింది. నీతులు చెప్పే ఈ పెద్దమనిషి అసలు బండారం ఇప్పుడు బట్టబయలైంది! ఒకే దేశం, ఒకే ఓటు అనేది భారత ఎన్నికల సంఘం నియమం. కానీ ఈ “జస్ట్ ఆస్కింగ్” మహాశయుడికి మాత్రం ఏకంగా నాలుగు రాష్ట్రాల్లో ఓటరు కార్డులు ఉన్నాయట!

కర్ణాటక, తమిళనాడు, తెలంగాణతో సహా నాలుగు రాష్ట్రాల్లో ఓటరు గుర్తింపు కార్డులు కలిగి ఉన్నారన్న ఆరోపణలపై ప్రకాష్ రాజ్‌పై బెంగళూరులోని 48వ ఏసీజేఎం (ACJM) కోర్టు నాన్-బెయిలబుల్ వారెంట్ (NBW) జారీ చేసింది.

2019లో న్యాయవాది దిలీప్ కుమార్ ఈ అక్రమాలపై హలసూరు గేట్ పోలీస్ స్టేషన్‌లో ఫిర్యాదు చేశారు. పోలీసులు పట్టించుకోకపోవడంతో, ఆయన ఏకంగా ఎలక్షన్ కమిషన్, బెంగళూరు పోలీస్ కమిషనర్‌లకు మొరపెట్టుకున్నారు. అక్కడ కూడా స్పందన లేకపోవడంతో, ఈ వ్యవస్థల వైఫల్యాన్ని ప్రశ్నిస్తూ కోర్టు మెట్లు ఎక్కారు దిలీప్ కుమార్.

కోర్టు ఈ విషయాన్ని సీరియస్‌గా తీసుకుని, ప్రకాష్ రాజ్‌కు రెండుసార్లు సమన్లు జారీ చేసింది. కానీ, రాజ్యాంగం గురించి, చట్టాల గురించి రోజంతా ఉపన్యాసాలు దంచే ఈ నటుడు, కోర్టు సమన్లను బేఖాతరు చేస్తూ రెండుసార్లూ డుమ్మా కొట్టారు. దీంతో కోర్టు ఆగ్రహించి ఏకంగా నాన్-బెయిలబుల్ వారెంట్ జారీ చేసింది. ఎన్నికల చట్టాలను తుంగలో తొక్కిన ఇలాంటి వ్యక్తుల మీద కఠిన చర్యలు తీసుకోవాల్సిన అవసరం ఎంతైనా ఉంది!

బుకాయిస్తున్న ప్రకాష్ రాజ్!

కోర్టు వారెంట్ జారీ చేసినా తన పంథా మార్చుకోని ప్రకాష్ రాజ్, సోషల్ మీడియాలో ఎప్పట్లాగే తన వక్రబుద్ధిని ప్రదర్శిస్తున్నారు. తనపై “ఫేక్ న్యూస్” ప్రచారం చేస్తున్నారని, “అమ్ముడుపోయిన వారు ఇలాంటి అబద్ధాలు సృష్టిస్తున్నారు” అని ట్వీట్ చేస్తూ బుకాయింపులకు దిగారు. కోర్టు ఇచ్చిన వారెంట్‌ను ఫేక్ న్యూస్ అనడం ఈయన అహంకారానికి నిదర్శనం కాదా?

చట్టాలను గౌరవించని ఈ “మేధావి” ఎట్టకేలకు కోర్టు బోనులో నిలబడాల్సిన సమయం ఆసన్నమైంది. ఈ నాన్-బెయిలబుల్ వారెంట్‌తో ప్రకాష్ రాజ్ ఆటలకు చెక్ పడినట్లేనా? వేచి చూద్దాం!

The post జస్ట్ ఆస్కింగ్” మహాశయుడికి జైలు గది రెడీ! 4 రాష్ట్రాల్లో దొంగ ఓట్లతో అడ్డంగా బుక్కైన ప్రకాష్ రాజ్! appeared first on Journalist Sirisha.