చేసిన తప్పును తెలుసుకొని బహిరంగంగా క్షమాపణలు చెప్పాల్సింది పోయి, అవకాశవాద ధోరణితో వ్యవహరిస్తూ బీబీసీ (BBC) వంటి వేదికలపై కూర్చుని టీవీ మీడియాలపై బురదజల్లే ప్రయత్నం చేయడం సరికొత్త వివాదానికి తెరలేపింది. టీవీ డిబేట్లలో తనను ప్రశ్నించారని, కఠినంగా శిక్షించాలని ఇతర ప్యానలిస్టులు అనడంతో తనను అవమానించారంటూ ఆమె మొసలి కన్నీరు కార్చడం ఆమె ద్వంద్వ వైఖరిని స్పష్టంగా తెలియజేస్తోంది. పచ్చిగా దేశ రక్షకులను అవమానించిన తప్పును కప్పిపుచ్చుకోవడానికి, తనను తాను బాధితురాలిగా చిత్రీకరించుకుంటూ జాతీయ మీడియాపైనే నిందలు వేయడం ఆమె నైతిక పతనానికి అద్దం పడుతోంది.

సమాజంలో వైరల్ కావడమే ధ్యేయంగా దేశ భద్రతా బలగాలను కించపరిచేలా వ్యవహరించే ఇటువంటి సంస్కృతికి తక్షణమే అడ్డుకట్ట వేయాలని, చట్టపరమైన కఠిన చర్యలు తీసుకోవాలని నెటిజన్లు డిమాండ్ చేస్తున్నారు. జవాన్ల త్యాగాలను అవమానించి, ఆపై సహానుభూతి పొందేందుకు ‘విక్టిమ్ కార్డ్’ వాడటం ద్వారా ఆమె తన నిర్వాకాన్ని సమర్థించుకోలేరని, సైనికుల గౌరవాన్ని దెబ్బతీసే ఎలాంటి చర్యలనూ సమాజం సహించదని పలువురు స్పష్టం చేస్తున్నారు.

The post బూతులు తిట్టేటప్పుడు పొగరు.. ఇరుక్కునేసరికి కన్నీళ్లు! ఈ బరితెగింపు చూశారా? appeared first on Journalist Sirisha.