ఆ తర్వాత జరిగిన కాంగ్రెస్ పాలనలో కూడా దేశవ్యాప్తంగా అనేక చీకటి అధ్యాయాలు నమోదయ్యాయి. 1969 తొలిదశ తెలంగాణ ఉద్యమంలో విద్యార్థులపై లాఠీఛార్జీలు, కర్ఫ్యూలతో ఉక్కుపాదం మోపారు. జయప్రకాష్ నారాయణ్ విద్యార్థి ఉద్యమాలను తుపాకీ గుళ్లతో అణగదొక్కడంతో పాటు, ఎమర్జెన్సీ కాలంలో సామాన్యుల ఇళ్లను కూల్చివేశారు. 1984లో ఇందిరా గాంధీ మరణం తర్వాత జరిగిన సిక్కుల ఊచకోతను రాజీవ్ గాంధీ సమర్థిస్తూ “ఒక పెద్ద చెట్టు కూలినప్పుడు భూమి కంపించడం సహజం” అని అహంకారంతో మాట్లాడిన మాటలు చరిత్ర మరువదు. ఉత్తరప్రదేశ్‌లో జరిగిన హాశింపురా, మురాదాబాద్ అల్లర్లు, బీహార్‌లోని భగల్పూర్, అలాగే 1990లో హైదరాబాద్‌లో చెన్నారెడ్డి ప్రభుత్వ హయాంలో జరిగిన భయంకరమైన మతకల్లోలాలు, కర్ఫ్యూలు కాంగ్రెస్ ప్రభుత్వాల వైఫల్యాలకు నిదర్శనం.

యూపీఏ ప్రభుత్వం (మన్మోహన్ సింగ్, సోనియా గాంధీ) హయాంలోనూ ప్రజలపై దాడులు ఏమాత్రం తగ్గలేదు. హర్యానాలో హోండా వర్కర్లపై, ఏపీలోని ముదిగొండలో, ఆ తర్వాత సోంపేటలో భూమి కోసం ఆందోళన చేసిన రైతులపై పోలీసులతో విచక్షణారహితంగా కాల్పులు జరిపించారు. 2012లో దేశవ్యాప్తంగా సంచలనం సృష్టించిన నిర్భయ ఘటనపై ఢిల్లీలో ఆందోళన చేస్తున్న యువతను కూడా క్రూరంగా లాఠీఛార్జ్ చేశారు. మలిదశ తెలంగాణ ఉద్యమాన్ని అణచివేయాలని చూసి సుమారు 1200 మంది విద్యార్థుల ఆత్మబలిదానాలకు కారణమైన కాంగ్రెస్ పార్టీ గురించి రాహుల్ గాంధీ ఎందుకు మాట్లాడడు? ఇన్ని దారుణాలకు, హింసాకాండకు కేంద్ర బిందువైన కాంగ్రెస్ పార్టీ నాయకుడిగా ఉండి, ఇతరుల వైపు వేలెత్తి చూపడం అతని ద్వంద్వ వైఖరిని బట్టబయలు చేస్తోంది.

The post కూన్ కీ హోలీ’ ఆడింది కాంగ్రెస్ కాదా రాహుల్..? కళ్లు తెరిపించే దారుణమైన నిజాలు! appeared first on .