పాకిస్థాన్‌కు చెందిన గూఢచార సంస్థ ఐఎస్ఐ (ISI) మద్దతుతో నడుస్తున్న ఒక పెద్ద ఉగ్ర నెట్‌వర్క్‌లో మహమ్మద్ హమీమ్ మోండల్ కీలక పాత్ర పోషిస్తున్నట్లు అధికారులు గుర్తించారు. అతడిని గురువారమే బర్ధమాన్ పట్టణంలోని ఒక ఇంట్లో పోలీసులు అరెస్ట్ చేశారు. వీరి ప్రధాన లక్ష్యం పశ్చిమ బెంగాల్‌లోని ప్రముఖ బీజేపీ నాయకులతో పాటు పలువురు వీఐపీల కదలికలు, సమాచారాన్ని సేకరించడమేనని దర్యాప్తులో తేలింది. ఇందుకోసం రాష్ట్రంలో కొత్త యువతను ఉగ్రవాదంలోకి ఆకర్షించి రిక్రూట్ చేసుకోవడంతో పాటు, రాష్ట్రంలో ఉగ్ర కార్యకలాపాలకు వీరు ముందస్తు ప్రణాళికలు సిద్ధం చేసుకున్నారు.

విచారణలో భాగంగా హమీమ్, అర్పితల మధ్య తరచూ జరిగిన వాట్సాప్ సంభాషణల ఆధారంగా ఎస్టీఎఫ్ పలు సంచలన విషయాలను గుర్తించింది. పశ్చిమ బెంగాల్‌లోని కీలక రాజకీయ నాయకులతో పరిచయాలు పెంచుకుని, వారి వ్యక్తిగత సమాచారాన్ని సేకరించేందుకు హమీమ్.. అర్పితను ఒక పావులా, సాధనంగా వాడుకున్నట్లు పోలీసులు వెల్లడించారు. ప్రస్తుతం అరెస్టయిన వీరిద్దరినీ అధికారులు తీవ్రంగా విచారిస్తున్నారు. ఈ ప్రమాదకరమైన ఉగ్ర నెట్‌వర్క్‌తో ప్రత్యక్ష, పరోక్ష సంబంధం ఉన్న ఇతర నిందితుల కోసం పోలీసులు తమ గాలింపు చర్యలను మరింత ముమ్మరం చేశారు.

The post పశ్చిమ బెంగాల్‌లో భారీ ఉగ్ర కుట్ర భగ్నం: జైషే నెట్‌వర్క్ కీలక పాత్రధారి అర్పిత సర్కార్ అరెస్ట్ appeared first on .